Salyq kodeksine túzetýler jobasy Quryltaıǵa qashan engiziledi
ASTANA. KAZINFORM – Quryltaıdyń vıtse-spıkeri Dánııa Espaeva Salyq kodeksine ózgerister men tolyqtyrýlar engizý týraly zań jobasy depýtattardyń qaraýyna qashan usynylatynyn aıtty.
Onyń aıtýynsha, Ulttyq ekonomıka mınıstrligi men jobalyq keńse retinde bekitilgen Qarjy mınıstrligi qujatpen áli jumys istep jatyr.
– Meniń oıymsha, Quryltaıǵa qazan aıynyń basynan erte túspeıdi. Biz bul máseleni Serik Jumanǵarınmen (Premer-Mınıstrdiń orynbasary – Ulttyq ekonomıka mınıstri – red.) talqylaǵan bolatynbyz. Quryltaıdyń qarjy máselelerine jetekshilik etetin vıtse-spıker retinde bul men úshin de óte mańyzdy. Meniń túsinýimshe, olar qujatty qazan aıynyń basynda engizýge daıyn. Ázirge ne bolatyny olardyń enshisinde. Túzetýler Quryltaıǵa engizilgen boıda bul máseleni sizdermen talqylaýǵa daıynmyn, – dedi Dánııa Espaeva Táýelsizdik saraıynda Qazaqstan Halyq Keńesiniń alǵashqy sessııasy aıasynda.
Shilde aıynda Jańa Salyq kodeksiniń jobasyna túzetýler paketi ázirlengen edi.
