Qytaı tájik-aýǵan shekarasynda toǵyz nysan salady
ASTANA. KAZINFORM – Qytaı Tájikstannyń Aýǵanstanmen shekarasynda shekara ınfraqurylymynyń toǵyz nysanyn salady. Tıisti kelisimdi 4 naýryzda Tájikstan Respýblıkasy Olı Madjlısı (parlamenttiń tómengi palatasy) namoıandagon Madjlısı maquldady, dep habarlaıdy Kazinform agenttiginiń Dýshanbedegi menshikti tilshisi.
«Sadoı mardým» parlamenttik gazetiniń málimetinshe, joba Tájikstannyń shekara áskeriniń materıaldyq-tehnıkalyq bazasyn nyǵaıtýǵa baǵyttalǵan. Oǵan ǵımarattar salý, zamanaýı jabdyqtar, baqylaý quraldary, baılanys jáne ınjenerlik júıelermen jabdyqtaýdy qamtıdy.
— Qurylystyń jalpy aýdany — 17 myń sharshy metr. Shekara nysandarynyń qurylysyna qajetti shyǵyn 424,8 mln qytaı ıýani, Qytaı úkimeti ony tegin berip otyr, — dep habarlady Tájikstan Respýblıkasy Ulttyq qaýipsizdik jónindegi memlekettik komıteti tóraǵasynyń birinshi orynbasary Mýrodalı Radjabzoda parlament depýtattaryna.
Ol Qytaı Halyq Respýblıkasy úkimetimen buryn jasalǵan kelisim aıasynda 2017-2018 jyldary 12 shekara nysany salynǵanyn qosyp ótti.
Eske sala ketsek, 2025 jyldyń qarashasynda Tájikstannyń ońtústiginde Aýǵanstan aýmaǵynan jasalǵan qarýly shabýyl saldarynan Qytaıdyń úsh azamaty qaza tapty.
Al 2025 jylǵy 24 jeltoqsanda tájik-aýǵan shekarasynda bolǵan qarýly qaqtyǵysta Tájikstannyń Ulttyq qaýipsizdik memlekettik komıteti (UQMK) shekara áskerleriniń eki áskerı qyzmetshisi qaza tapty.