Salyq eseptiligindegi alshaqtyq anyqtalsa, ne isteý kerek
ASTANA. KAZINFORM — Qazaqstan Respýblıkasy Qarjy mınıstrliginiń Memlekettik kirister komıteti 2025 jyldyń II jartyjyldyǵy boıynsha ońaılatylǵan deklaratsııa negizindegi arnaýly salyq rejımin qoldanatyn salyq tóleýshilerge kameraldyq baqylaý nátıjeleri týraly habarlady. Habarlama alǵan jaǵdaıda ony oryndaýǵa 30 jumys kúni beriledi.
Alshaqtyqtar salyqtyq nysandardyń, elektrondyq shot-faktýralardyń (EShF) jáne ekinshi deńgeıdegi bankterdiń málimetteriniń (POS-termınaldar jáne mobıldi tólemder) derekterin zerdeleý jáne taldaý negizinde anyqtaldy. Kameraldyq baqylaý nátıjeleri boıynsha salyq tóleýshilerge tıisti habarlamalar jiberildi.
Kameraldyq baqylaýdyń maqsaty — salyq tóleýshige alshaqtyqtardy óz betinshe joıý múmkindigin berý.
Habarlamany alǵan kezde ne isteý kerek?
Oryndaýǵa 30 jumys kúni — shamamen 45 kúntizbelik kún beriledi.
Eger siz alshaqtyqpen kelisseńiz — qosymsha salyqtyq eseptilikti usynyńyz jáne ózińiz eseptegen salyq somalaryn derbes tóleńiz.
Eger buzýshylyq joq dep esepteseńiz — negizdemesi bar túsindirmeni usynyńyz. Bul habarlamany oryndaýdyń teń dárejeli tásili bolyp tabylady.
Habarlamanyń bar-joǵyn tekserýge jáne ony oryndaýǵa salyq tóleýshiniń jeke kabıneti arqyly bolady.
Komıtet salyq tóleýshilerdi salyq mindettemelerin ýaqtyly oryndaýǵa shaqyrady.
Al shetelde bilim alyp jatqan stýdentter bos ýaqytynda jumys istep, tabys tapsa, keı jaǵdaıda Qazaqstanǵa salyq tólemeýge quqyly. Tolyǵyraq myna siltemeden oqyńyz.
