Salyq esebin tapsyratyndar sany 30 paıyzǵa qysqarady – S.Jumanǵarın

ASTANA. KAZINFORM –Salyq kodeksiniń jańa redaktsııasynda salyq boıynsha ákimshilik jazalardy toqtaý usynylǵan Bul týraly Premer-mınıstrdiń orynbasary – Ulttyq ekonomıka mınıstri Serik Jumanǵarın Májilistiń jalpy otyrysynda aıtty.

- Salyq tóleýshilermen jumystyń servıstik modeli usynylady. Salyqtyq ákimshilik jazalaýdy toqtatady. «Besikten» shyqqannan bastap jabylǵanǵa deıin fıskaldyq» súıemeldeýdi engizýge basa nazar aýdarylatyn bolady. Bul rette salyq eseptiligi 30%-ǵa qysqarady, - dedi mınıstr.

Vıtse-premer kameralyq baqylaý tásilderin túbegeıli ózgertý kózdelip otyrǵanyn eske saldy.

- Eger qazir bul baqylaý tásili bolsa, bolashaqta bul protsedýra buzýshylyqtardy joıý salasynan sáıkessizdikter anyqtaý salasyna aýysyp, eskertý sıpatyna ıe bolady. Salyq bereshegin májbúrlep óndirip alý tásilderi de ózgeredi, - dedi Serik Jumanǵarın. 

Aıta ketý kerek, Salyq kodeksiniń jańa redaktsııasynda QQS salynatyn aınalymnyń tómengi shegin 40 mln teńge dep belgileý usynylyp otyr.