Salyq bereshegi bar boryshkerdiń banktegi esep-shoty tolyq buǵattalmaıdy – Prezıdent Joldaýy

ASTANA. KAZINFORM — Salyq salasynda ákimshilendirý isinde jazalaý tásilinen bas tartqan abzal. Bul týraly Qazaqstan halqyna Joldaýyn jarııalaý kezinde Memleket basshysy Qasym-Jomart Toqaev aıtty.

«Jeke tabys salyǵynyń mólsherlemesin azamattardyń kirisine qaraı dıfferentsıatsııalaý qajettigi týyndap otyr. Salyqtyq ákimshilendirý isinde jazalaý tásilinen de bas tartqan abzal. Májbúrleý sharalaryn qoldanbaı-aq, habarlama jiberý arqyly óndiriletin salyq beresheginiń joǵarǵy shegin kóterýge bolady dep oılaımyn», - dedi Qasym-Jomart Toqaev.

Memleket basshysynyń sózine qaraǵanda, salyq bereshegi osy shekten asyp ketse, qaryz somasy aıasynda ǵana shekteý qoıylýǵa tıis.

«ıAǵnı, boryshkerdiń banktegi esep-shoty tolyq buǵattalmaıdy. Bereshek somasy tym kóp bolǵan jaǵdaıda, kepilge múlik qoıýdy talap etpeı, qaryzdy bólip tóleýge múmkindik bergen jón. Josparǵa saı tekserý tásilinen birjola bas tartýǵa tyrysý kerek. Ol úshin qaterlerdiń aldyn alý júıesin jetildirý qajet», - dedi Prezıdent.