Sálemdemeden 33,5 keli marıhýana tabyldy: polıtsııa iri esirtki arnasynyń jolyn kesti
ASTANA. KAZINFORM – Batys Qazaqstan oblysy men Mańǵystaý oblysynyń polıtseıleri elimizdiń batys óńirlerine esirtki jetkizip kelgen iri arnanyń jolyn kesti.
Іshki ister mınıstrliginiń málimetinshe, jedel-izdestirý is-sharalary barysynda esirtkiniń zańsyz aınalymyna qatysy bar degen kúdikpen 41 jastaǵy er adam ustaldy.
Tergeý barysynda kúdiktiniń Jambyl oblysynan Qazaqstannyń batys óńirlerine esirtki jetkizý arnasyn uıymdastyrǵany anyqtaldy. Tyıym salynǵan zattardy tasymaldaý úshin júk jetkizý qyzmetteri paıdalanylyp, esirtki qarapaıym sálemdemeniń ishine jasyrylǵan.
«Kúdikti Aqtaý qalasynda sálemdemeni alyp jatqan sátinde qylmys ústinde ustaldy. Sálemdemeni tekserý barysynda ishinde ósimdik tektes zat salynǵan eki qap anyqtaldy. Saraptama qorytyndysy tárkilengen zattyń keptirilgen marıhýana ekenin rastady. Onyń jalpy salmaǵy 33,5 keliden asty», – dep habarlady polıtsııa.
Tergeý málimetine sáıkes, tárkilengen esirtki partııasy elimizdiń batys óńirlerinde odan ári taratylýǵa arnalǵan.
Atalǵan derek boıynsha sotqa deıingi tergep-tekserý bastaldy.
Polıtsııanyń málimetinshe, júrgizilgen operatsııa nátıjesinde iri kólemdegi esirtki zatynyń zańsyz aınalymǵa túsýine jol berilmedi.
Aıta keteıik, Shymkent turǵynynyń úıinde qarbyz arasynda jasyrylǵan esirtki plantatsııasy anyqtaldy.
