Sálem, Kókshetaý: Aqmolada oblystyq baıqaý-festıval ótti
KÓKShETAÝ. KAZINFORM — Kókshetaýda vokaldy-aspaptyq ansamblder men kaver toptar arasynda Aqmola oblysynyń 85 jyldyǵyna arnalǵan «Sálem, Kókshetaý!» oblystyq baıqaý-festıvali ótti.
Aqmola oblysy mádenıet basqarmasy janyndaǵy oblystyq halyq shyǵarmashylyq jáne mádenı demalys ortalyǵynyń uıymdastyrýymen ótken án keshine Egindikól aýdanynan «Sazdy áýen», Ereımentaý aýdanynan «Portal», Zerendi aýdanynan «Jalyn», Astrahan aýdanynyn «Alaý», Atbasar aýdanynan «Mereı» vokaldy-aspaptyq ansamblderi qatysty.
Kókshetaý qalasynyń turǵyndary men qonaqtarynyń mádenı-demalys is-sharalaryna qyzyǵýshylyǵyn arttyrý, ujymdardyń shyǵarmashylyǵyn nasıhattaý baǵytynda uıymdastyrylǵan sharada qazaqstandyq avtorlardyń jáne sheteldik tanymal estrada ánderi shyrqaldy.
Sharaǵa Aqmola oblysy mádenıet basqarmasynyń basshysy Aıgúl Sábıtova qatysyp, ónerpazdardy dıplom jáne baǵaly syılyqtarmen marapattady.
Aıta ketsek, budan buryn Kókshetaýda 2-shi halyqaralyq komedııalyq qoıylymdar festıvaliniń úzdikteri marapattalǵanyn jazǵan edik.
