Salem, Djekı Chan! Akterdiń Almatyǵa ne úshin kelgeni belgili boldy

ALMATY. KAZINFORM – Salem Entertainment qabyrǵasynda álemdik kınematografııa ańyzy – akter, stsenarıst, rejısser jáne prodıýser Djekı Chanmen jumys kezdesýi ótti.

Kompanııa málimetinshe, taraptar iri birlesken jobany júzege asyrýǵa kirisken. Almatyda bolǵan ýaqytynda akter komandamen birge aldaǵy kartınanyń túsirilim alańdaryn tańdady.

Fılmniń negizgi bóligi Qazaqstanda túsirilmek.

Djekı Chan óziniń resmı paraqshasynda: «Almatyda túsirilim alańdaryn tańdadym. Kórsetken qonaqjaılylyǵy úshin Salem Entertainment-ke alǵys aıtamyn», - dep jazǵan.

– Tolyǵyraq málimetti ázirge qupııa saqtaımyz. Biraq senińizder, alda sizderdi ǵalamat jańalyqtar kútip tur. Jańalyqtarymyzdy baqylap otyryńyzdar, eń qyzyqtysy áli alda, – delingen Salem Entertainment habarlamasynda.

Aıta keteıik, búgin Djekı Chan Almatyǵa kelgeni habarlanǵan bolatyn.

Al jyldyń basynda Qazaqstanda akterdiń qatysýymen birneshe kıno joba qolǵa alynatyny jarııalandy.