Salehardta halal buǵy eti paıda boldy
ASTANA. 17 naýryz. QazAqparat - Salehardtaǵy (ıAmalo-Nenets avtonomdy okrýgynyń ákimshilik ortalyǵy) meshittiń esigine «Halal buǵy eti satylady» degen habarlandyrý ilingen.
- Buryn eshqandaı qospasy joq, tabıǵı, halal ónimderdi Salehardtan tabýdyń ózi muń bolatyn. Azyq-túlik dúkenderinde tek halal taýyqtyń eti men baǵasy ýdaı qymbat jylqynyń etinen jasalǵan shujyq qana bolatyn. Bizdiń qoǵamdyq uıym osy máseleni burynnan kóterip keledi. Meshitke ótinishimizdi aıttyq. Olar bizdiń bastamamyzǵa qoldaý bildirdi. Qoıdyń, sıyrdyń, jylqynyń halal etteri paıda boldy,- dedi Salehard tatarlarynyń ulttyq-mádenı avtonomııasynyń tóraǵasy Hasan Boıazıtov «Sever-Press» aqparat agenttigine bergen suhbatynda.
Sondaı-aq, muslim.kz saıtynyń jazýynsha, ózge óńirlerde kezdese bermeıtin halal buǵy etiniń satylýy da Salehardta úlken jańalyq boldy.
Qazirgi ýaqytta «Vatan» qoǵamdyq uıymy halal kosmetıkalyq ári parfıýmerlik ónimderdi Túrkııadan jáne Birikken Arab Ámirlikterinen aldyrýdy josparlap otyr.
