Salaýatty ómir saltyn ustaný onkologııalyq aýrýlardyń 40 paıyzynyń aldyn alady
ASTANA. QazAqparat - Salaýatty ómir saltyn ustaný onkologııalyq aýrýlardyń 40 paıyzynyń aldyn alady. Bul pikirdi búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte Ulttyq salaýatty ómir saltyn qalyptastyrý problemalary ortalyǵynyń dırektory Jámılá Battaqova bildirdi.
«Ǵalymdar temekige qumarlyq syndy óte keń taraǵan daǵdy ókpe obyry damýynyń yqtımaldyǵyn 10 esege arttyrýǵa qabiletti ekendigin dáleldedi. Sáıkesinshe, temeki shegý ómir súrý uzaqtyǵyn ortasha eseppen 10-nan 15 jylǵa deıin qysqartady. Sondyqtan da táýekel faktoryna áser etetin bastapqy sebepterine yqpal etken jón», - dedi J.Battaqova.
QR Densaýlyq saqtaý jáne áleýmettik damý mınıstrligi málimetterine sáıkes, 2015 jyldyń 1 qańtarynda elimizde onkologııalyq dertke dýshar bolǵan 150436 adam esepke alynǵan. Ótken jyldyń ózinde ǵana 2 myńnan astam adamnan qaterli isik belgileri tabylǵan. Jalpy, dárigerlerdiń aıtýynsha, obyrdy erte anyqtaý bıýdjet qarjysyn 200 ese únemdeýge múmkindik beredi. Máselen, sút bezi obyryn birinshi satyda emdeýge bıýdjetten 120 myń teńge shyǵyndalady. Eger naýqasta bul aýrý 4-shi satyda anyqtalatyn bolsa, onda onda bıýdjetten 27 mln. teńge shyǵyndaýǵa týra keledi eken.
