Salaýatty ómir saltyn qalyptastyrýdyń ulttyq baǵdarlamasyn qabyldaý qajet - T. Qadambaev
A. Qańtardyń 27-si. QazAqparat /Qanat Mámetqazyuly/ - Salaýatty ómir saltyn qalyptastyrýdyń ulttyq baǵdarlamasyn qabyldaý qajet. Búgin QR Parlamenti Májilisiniń jalpy otyrysynda Úkimet basshysynyń atyna saýal joldaǵan depýtat Toqtarbaı Qadambaev osylaı málim etti,
dep habarlaıdy QazAqparat.
«Dúnıejúzilik densaýlyq saqtaý uıymynyń málimetine sáıkes, 8 lıtrden astam ishimdik paıdalaný ulttyq tektik qordyń quryp ketýine ákep soqtyrady eken. Al búgingi kúni Qazaqstanda ishimdikti paıdalaný mólsheri jan basyna shaqqanda 12 lıtrge jetip otyr. Sondaı-aq, halyqtyń syra ishimdigine áýestigi de alańdatarlyq. Máselen, Statıstıka agenttiginiń derekterine súıensek, sońǵy on jyl ishinde Qazaqstanda syrany qoldaný mólsheri jan basyna shaqqanda 31 lıtrdi quraıdy. Syra ishimdigin paıdalaný jóninen Qazaqstan Germanııa, Chehııa, Slovakııa, Vengrııa sııaqty memleketterden keıingi 8 orynǵa shyqty», dedi depýtat.
Onyń aıtýynsha, elimizde qazirgi kúni 304 myń 108 ishimdikke qumar adam dıspanserlik esepte tirkeýde bolsa, sońǵy úsh jyldyń ishinde ishimdiktiń kesirinen 55 myń 962 órt jaǵdaıy tirkelip, onda 1 myń 138 adam qaza tapqan.
«Іshimdiktiń respýblıkamyzdyń demografııalyq ahýaly men qoǵamnyń damýyna tıgizetin zııany mol, urpaq tárbıesine de kesiri zor. Sondyqtan da Elbasynyń araqqumarlyqpen kúresý týraly bastamasyn qoldaı otyryp jáne ishimdik paıdalanýdyń ult densaýlyǵyna qanshalyqty zııan tıgizetin eskere kele, uzaq merzimdi Salaýatty ómir saltyn qalyptastyrýdyń ulttyq baǵdarlamasyn qabyldaý qajet dep esepteımin»,- dedi T. Qadambaev.
