«Salaýatty Qazaqstan» atty densaýlyq saqtaý isin damytý baǵdarlamasyna 450 mlrd teńgedeı qarjy bólinbek
ASTANA. Mamyrdyń 12si. QazAqparat /Ernur Aqanbaı/ - «Salaýatty Qazaqstan» atty densaýlyq saqtaý isin damytýdyń 2011-2015 jyldarǵa arnalǵan memlekettik baǵdarlamasyn iske asyrýǵa memlekettik bıýdjetten 449,3 mlrd teńge bólý josparlanyp otyr.
Bul týraly QR Densaýlyq saqtaý mınıstrligi baspasóz qyzmetiniń búgin taratqan habarlamasynda aıtylǵan.
Baspasóz qyzmetiniń málimetinshe, memlekettik baǵdarlamanyń basty maqsaty - Qazaqstan azamattarynyń densaýlyǵyn jaqsartý jáne elimizdiń turaqty áleýmettik-demografııalyq damýyn qamtamasyz etý úshin densaýlyq saqtaý salasynyń básekege qabiletti júıesin qalyptastyrý. Bul, óz kezeginde, birqatar baǵyttardy iske asyrýdy kózdeıdi. Olar: azamattardyń densaýlyǵyn saqtaý máseleleri boıynsha sektoraralyq jáne vedomstvoaralyq ózara is-qımyldardy arttyrý; profılaktıkalyq is-sharalardy, skrınıgtik zertteýlerdi kúsheıtý, negizgi áleýmettik eleýli aýrýlardyń dıagnostıkasy, emdeý jáne ońaltý tásilderin jetildirý; sanıtarlyq-epıdemıologııalyq qyzmetti jetildirý. Buǵan qosa Biryńǵaı ulttyq densaýlyq saqtaý júıesinde medıtsınalyq kómekti uıymdastyrýdy, basqarýdy jáne qarjylandyrýdy jetildirý; medıtsınalyq, farmatsevtıkalyq bilimdi jetildirý; medıtsınadaǵy ınnovatsııalyq tehnologııalardy damytý jáne engizý, halyqtyń dárilik zattarǵa qoljetimdiligin jáne sapasyn arttyrý josparlanǵan.
