Salaýat Sherııazdanov «QazAgro» holdıngi» AQ basqarma tóraǵasynyń orynbasary bolyp saılandy

ASTANA. QazAqparat - «QazAgro» ulttyq basqarýshy holdıngi» AQ Dırektorlar keńesiniń sheshimimen Salaýat Sherııazdanov «QazAgro» ulttyq basqarýshy holdıngi» AQ basqarma tóraǵasynyń orynbasary bolyp saılandy. Bul týraly holdınginiń baspasóz qyzmeti habarlady.

Salaýat Qalymǵazyuly Sherııazdanov 1972 jyly 10 qańtarda Shyǵys-Qazaqstan oblysynda týǵan. V.I.Lenın atyndaǵy Qazaq polıtehnıkalyq ınstıtýtyn, T. Rysqulov atyndaǵy Qazaq ekonomıkalyq ýnıversıtetin bitirgen (ekonomıka ǵylymdarynyń kandıdaty);  Reseı Federatsııa Úkimetiniń janyndaǵy Halyq sharýashylyǵy akademııasynyń doktorantýrasyn aıaqtaǵan.

Eńbek qyzmetin 1993 jyly «Meıirim» saqtandyrý kompanııasynda bas dırektordyń orynbasary bolyp bastaǵan. «Damý» kásipkerlikti qoldaý qory» AQ, «Qazposhta» AQ «Qazgeologııa» AQ, «Qazaqstan Halyq Banki» AQ, sondaı-aq basqa da uıymdar men ulttyq kompanııalarda  basshylyq qyzmetter atqardy. 2013 jyldyń qarasha aıynan bastap «Almaty halyqaralyq áýejaıy» AQ Dırektorlar keńesiniń tóraǵasy, sodan keıin  «QazAgroStandart» JShS Qadaǵalaý keńesiniń tóraǵasy mindetin atqardy.

2016 jylǵy 7 qyrkúıekten bastap - «QazAgro» ulttyq basqarýshy holdıngi» AQ Basqarma tóraǵasynyń orynbasary.