«Salamatty Qazaqstan» poıyzynyń dárigerleri Atyraý turǵyndaryna medıtsınalyq kómek berip jatyr
«Salamatty Qazaqstan» poıyzy Qurmanǵazy aýdanynyń Aqkól stansasyna keldi. Poıyz dárigerleri dárigerler jurtshylyqqa tegin kómek kórsetýdi bastady.
Qazaqstan Respýblıkasy Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń komıssııanyń múshesi Ermek Medeýbaevtyń aıtýynsha, «Salamatty Qazaqstan» poıyzy – shalǵaı eldimeknederdegi turǵyndarǵa kómek kórsetetin arnaıy joba. Poıyzdyń quramynda 8 vagon bar. Arnaıy jobanyń basty aqparattyq seriktesi – QR PRezıdentiniń teleradıo kesheni.
«Bul jobanyń maqsaty – turǵyndarǵa quqyqtyq, psıhologııalyq keńes berý, medıtsınalyq kómek kórsetý. Turǵyndar memlekettik áleýmettik qoldaý alý, zeınetke shyǵý, áleýmettik tólemder men ataýly áleýmettik kómek alý jóninde mamandardyń keńesine júgine alady. Shalǵaı aýyldar men eldi mekenderdiń turǵyndary sapaly medıtsınalyq kómekpen qamtamasyz etiledi. Medıtsınalyq kómek kórsetetin mamandardyń qatarynda terapevt, kardıolog, lor, nevropatolog, oftalmolog, gınekolog, hırýrg, ýrolog, stomatolog sekildi dárigerler bar. Medıtsınalyq poıyzda bıohımııalyq taldaýlar, flıýrografııa, ishki aǵzalar men tamyrlardyń ÝDZ-zertteýlerin, elektrokardıogramma jáne dıagnostıkalyq zertteýlerdiń basqa da túrlerin júrgizýge múmkindik qarastyrylǵan», - dep habarlady Ermek Medeýbaev.
Onyń aıtýyna qaraǵanda, «Salamatty Qazaqstan» poıyzy 26 sáýirde Almaty-2 temirjol stansasynan jolǵa shyqqan. Al, 17 maýsymǵa deıin Almaty, Pavlodar, Aqmola, Soltústik Qazaqstan, Qostanaı, Ulytaý, Jetisý jáne Abaı oblystaryndaǵy 47 stansaǵa toqtap, turǵyndarǵa quqyqtyq, psıhologııalyq jáne medıtsınalyq kómek kórsetken. Bul poıyzdyń sapary 6 jeltoqsanǵa jalpy uzyndyǵy 18 myń shaqyrymdy qamtıdy.
Erteń, 5 qyrkúıekte saǵat 22:05-te «Salamatty Qazaqstan» poıyzy Isataı aýdanyndaǵy Isataı stansasyna keledi. Munda eki kún, 7 qyrkúıekke deıin aıaldaıdy.
