«Salamatty Qazaqstan» poıyzy Qostanaıdaǵy jumysyn aıaqtady
QOSTANAI. QazAqparat - 27 tamyz kúni Qostanaı oblysyna kelgen medıtsınalyq poıyz búgin jumysyn aıaqtady, dep habarlaıdy QazAqparat tilshisi.
«Salamatty Qazaqstan» poıyzyna mingen dárigerler oblystyń 12 temirjol beketine aıaldady. Olar birinshi jumysyn Esil stansasynan bastaǵan.
Odan soń Fýrmanov, Kovylnaıa, Shalǵyshy, Qusmuryn, Amanqaraǵaı, Denısov, Jitiǵara, Bataly, Lısakov, Jarkól, Toǵyzaq eldi mekenderinde boldy. Poıyzdyń segiz vagonynda zamanaýı medıtsınalyq qurylǵylar bar.
«Bizge mektep oqýshylarynan bastap, egde jasqa deıingi kisiler keldi. Shaǵyn ambýlatorııalyq operatsııalar men tolyq tsıkldi tekserister júrgizildi. Poıyzdaǵy dərigerlerge de jaqsy jaǵdaılar jasalǵan», - dedi kardıolog maman Rýslan Alpysbaev.
Təjirıbeli dərigerler oblys boıynsha 4153 adamdy qarady. Olardyń 353-i - balalar. 15525 dıagnostıkalyq protsedýra júrgizildi. 545 turǵyn stomatologqa kórindi.
