«Salamatty Qazaqstan» poıyzy Denısov stantsııasynda tur
Stantsııaǵa poıyz búgin saǵat 2:19-da jetti, ol munda 21:15-ke deıin turady.
Medıtsınalyq poıyz kestesinde Zaıat, Qazanbasy, Shalǵyshy, Arqalyq, Barankól, Prııshım stantsııalary da bar.
Medıtsınalyq poıyzdyń baǵyty medıtsınalyq kabınetteri joq aımaqtardy qamtıdy. Osylaısha, bıyl shalǵaıdaǵy eldimeken turǵyndary terapevt, stomatolog, oftalmolog, hırýrg, ýrolog, mammolog, pedıatr jáne basqa da salalar boıynsha tegin tekserýden ótip, emdelýge múmkindik aldy. Poıyz zamanaýı dıagnostıkalyq jáne emdik jabdyqtarmen, ýltradybystyq, flıýorografııalyq apparatpen, shaǵyn operatsııalyq bólmemen, zerthanamen jabdyqtalǵan. Odan bólek, symsyz ınternet baılanys quraldarymen qamtylǵan.
Aıta keteıik, 26 sáýirde Almaty-2 stantsııasynan bastalǵan «Salamatty Qazaqstan» medıtsınalyq poıyzy 6 jeltoqsanǵa deıin júredi.
Buǵan deıin medıtsınalyq poıyz Jetisý oblysynda bolǵan edi. Dárigerler Kóksý, Qalpe, Lepsi, Aqtoǵaı, Beskól stantsııalarynyń turǵyndaryna joǵary bilikti medıtsınalyq kómek kórsetti. Oblys boıynsha medıtsınalyq týr Dostyq stantsııasynda aıaqtaldy.
Jetisý oblysynan keıin medıtsınalyq poıyz Shyǵys Qazaqstan oblysyna baǵyt aldy. Dárigerler Jarma, Ertis zaýyty, Tıshınskaıa, Ermakov, Taýsamaly, Altaı, Kúmistaý, Shar, Belaǵash jáne Sýyqbulaq stantsııalarynyń turǵyndaryna medıtsınalyq kómek kórsetti.
Odan keıin medıtsınalyq poıyz Pavlodar, Soltústik Qazaqstan oblystaryn aralap, Qostanaı oblysyna jetti.
«Salamatty Qazaqstan» medıtsınalyq poıyzy» áleýmettik jobasyn «Samruk-Kazyna Trust» áleýmettik jobalardy damytý qory QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń jáne Densaýlyq saqtaý mınıstrliginiń qatysýymen, «Áleýmettik jobalar qory» korporatıvtik qorymen yntymaqtastyqta júzege asyryp otyr. Al, mańyzy zor aýqymdy áleýmettik jobanyń negizgi aqparattyq seriktesi - QR Prezıdentiniń Teleradıokesheni.
Bıyl Qazaqstan Respýblıkasy Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń qoldaýymen alǵash ret azamattardyń memlekettik áleýmettik qoldaý, zeınetaqy, járdemaqy, áleýmettik tólemder jáne ataýly áleýmettik kómek alý quqyqtaryn qorǵaý máseleleri boıynsha tegin konsýltatsııalar berilip keledi. Sonymen qatar, shalǵaı aımaqtardyń turǵyndary tegin medıatıvti jáne zańgerlik kómek ala alady.
