«Salamatty Qazaqstan» poıyzy Atbasarǵa keldi
KÓKShETAÝ. QazAqparat - «Salamatty Qazaqstan» poıyzy quramyndaǵy joǵary jáne birinshi sanattaǵy dárigerlerden jasaqtalǵan brıgada Atbasar qalasynyń turǵyndaryna medıtsınalyq kómek kórsetti, dep habarlaıdy QazAqparat tilshisi.
Eske sala keteıik, «Salamatty Qazaqstan» medıtsınalyq poıyzy óz jumysyn 2017 jyldyń 1 maýsymynan bastap, 2017 jylǵy 6 qarashaǵa deıingi ýaqytta Shyǵys Qazaqstan, Pavlodar, Aqmola, Qostanaı, Aqtóbe, Batys Qazaqstan oblystaryndaǵy 97 stantsııany qamtıdy dep josparlanýda. Segiz vagon tıelgen «Salamatty Qazaqstan» poıyzy shalǵaı jatqan eldi mekenderge at basyn tiredi. Nevrolog, nefrolog, ýrolog, gematolog, ortoped-travmotolog, revmatolog, pýlmonolog, pedıatr, gastroenterolog, angıhırýrg, kardıolog, endokrınolog, oftalmolog, onkolog sııaqty mamandar turǵyndarǵa medıtsınalyq kómek kórsetti.
«Árıne, poıyzdyń kelýi qarapaıym turǵyndar úshin jaqsy boldy. Buǵan deıin de osyndaı sharalar elimizde júzege asyrylǵan bolatyn. Elimizdiń kez-kelgen óńirin alsaq ta dárigerler jetispeıdi. Búgingi kúni Atbasar qalasyna mamandy dárigerlerdiń kelýi asa mańyzdy», - deıdi Atbasar qalasynyń turǵyny Olga Ermolaeva.
Al, Marııa Braýs bolsa, kórshi aýyldan oftalmolog mamanǵa kózin kórsetýge kelgen. Zeınetker kózildirigin aýystyrý týraly mamannan keńes alǵan.
Sonymen qatar, joǵary bilikti dáriger mamandarǵa naýqastar ǵana emes, óz densaýlyǵyna beı-jaı qaramaıtyn denisaý turǵyndarda jolyǵyp aqyl-keńes alýda. Sonyń biri - Janar Jaqsylyqova qan tapsyryp, aınaǵa túsip óz densaýlyǵynnyń qanshalyqty saý ekenine kózin jetkizdi.
