«Salamatty Qazaqstan» poıyzy 1200-den astam turǵynǵa medıtsınalyq qyzmet kórsetti
KÓKShETAÝ. QazAqparat- «Salamatty Qazaqstan» poıyzy Aqmola oblysyna sapary barysynda shalǵaı eldi mekenderdegi 1200-den astam turǵynǵa medıtsınalyq qyzmet kórsetti, dep habarlaıdy QazAqparat tilshisi.
Atalmysh poıyz óńirdegi 4 stansa men razezde bolǵan. Quramynda terapevt, pedıatr, nevropatolog, gınekolog, kardıolog, okýlıst, hırýrg, onkolog-mammolog, stomatolog, fýnktsıonaldy dıagnostıka dárigeri, ÝZI dárigeri, rentgenolog sııaqty 12 bilikti dáriger mamandardan quralǵan brıgada 400 medıtsınalyq jáne zerthanalyq zertteý júrgizgen. Onyń ishinde 190-nan astam adam pedıatr keńesine júginse, 250 adam kardıologtyń qabyldaýynda boldy. 396 adam ýltra dybysty tekserýden ótti.
Jalpy, segiz vagon tıelgen «Salamatty Qazaqstan» poıyzymen elimizdegi aldyńǵy qatarly medıtsınalyq mekemelerdiń joǵary bilikti mamandary 1200-den astam aqmolalyqqa qyzmet kórsetken.
Tamyzdyń 27 kúni atalmysh poıyzdyń Esil stansasynda bolǵanynda 161 adam, onyń ishinde 31 bala dárgerlerge qaralǵan.
