«Salamatty Qazaqstan» memlekettik baǵdarlamasy aıasynda QR Densaýlyq saqtaý mınıstrligi pnevmokokk ınfektsııasyna qarsy vaktsınatsııalaýdy engizýdi iske asyrýda

dep habarlaıdy mınıstrliktiń baspasóz qyzmeti.

2010 jyly pnevmokokk ınfektsııasyna qarsy vaktsınatsııalaý Shyǵys Qazaqstan jáne Mańǵystaý oblystarynda bastaldy. Ótken kezeńde pnevmokokk ınfektsııasyna qarsy 55580 egý júrgizildi, erekshe reaktsııalar men asqyný jaǵdaılary tirkelgen joq.

Aǵymdaǵy jylǵy 1 shildeden bastap pnevmokokk ınfektsııasyna qarsy vaktsınatsııalaý Jambyl jáne Ońtústik Qazaqstan oblystarynda bastalady, 2015 jylǵa qaraı osy aýrýǵa qarsy vaktsınatsııalaýmen respýblıkanyń barlyq óńirleri qamtylatyn bolady.

Vaktsınatsııalaý AQSh-ta óndirilgen, pnevmokokktyń 13 serotıpi bar jáne DDU-men sertıfıkattalǵan pnevmokokk vaktsınasymen júrgiziledi.

Osyǵan baılanysty 2011 jylǵy 14 jáne 15 maýsymda Shymkent jáne Taraz qalalarynda Ońtústik Qazaqstan jáne Jambyl oblystarynda balalardy pnevmokokk ınfektsııasyna qarsy vaktsınatsııalaýdy engizý máseleleri boıynsha kóshpeli semınarlar ótkizildi.

Semınar jumysynda eki oblystyń aýdandary men qalalarynyń pedıatrlary, ınfektsıonısteri, ımmýnologtary jáne epıdemıologtary qatysty.

Álemniń damyǵan elderinde balalardy pnevmokokk ınfektsııasyna qarsy vaktsınatsııalaýdy engizý, pnevmokokk ınfektsııasynyń vaktsınalyq profılaktıkasyn epıdemıologııalyq negizdeý máseleleri talqylandy, balalardyń syrqattanýshylyǵy qurylymynda pnevmokokk ınfektsııasynyń ózektiligi, engizý kezeńinde ımmýndaý taktıkasy máseleleri baıandaldy.

Professor R.H. Begaıdarova (Qaraǵandy medıtsına ýnıversıteti), m.ǵ.d. J.B. Dosymov (M. Ospanov atyndaǵy Batys Qazaqstan medıtsına akademııasy), professor N.F. Snegova (Immýnologııa ǴZI, Máskeý q.), m.ǵ.k. M.A. Syrochkına (Oral medıtsına akademııasy, Ekaterınbýrg q.) sııaqty Qazaqstannyń jáne Reseıdiń jetekshi ǵalymdary baıandama jasady.