«Salamatty Qazaqstan» medıtsınalyq poıyzy Shakat stansasyna keledi
Bul stansaǵa medıtsınalyq poıyz 13 maýsym 02:03-te jetedi. 14 maýsym 21:40-ta ketedi.
Poıyz kestesinde Pavlodar oblysyndaǵy Krasnoarmeıka, Spýtnık, Tasqudyq, Maıqaıyń, Bozshakól, Óleńti jáne Torǵaı stansalary bar.
«Salamatty Qazaqstan» medıtsınalyq poıyzy áleýmettik jobasy QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń jáne Densaýlyq saqtaý mınıstrliginiń qatysýymen, «Áleýmettik jobalar qory» korporatıvtik qorymen yntymaqtastyqta, «Samruk-Kazyna» AQ kompanııalar toby atynan «Samruk-Kazyna Trust» áleýmettik jobany damytý qory júzege asyryp jatyr.
Bıyl Qazaqstan Respýblıkasy Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa qoldaýynyń arqasynda alǵash ret azamattar memlekettik áleýmettik qoldaý, zeınetaqy, járdemaqy, áleýmettik tólemder jáne ataýly áleýmettik kómek alý quqyqtaryn qorǵaý máseleleri boıynsha tegin konsýltatsııalar alyp jatyr. Sonymen qatar, shalǵaı aımaqtardyń turǵyndary tegin medıatıvti jáne zańgerlik kómek ala alady.
Medıtsınalyq poıyz baǵyty medıtsınalyq kabıneti joq óńirlerdi qamtıdy. ıAǵnı, bıyl shalǵaıdaǵy stansa turǵyndary bilikti mamandardan: terapevt, stomatolog, oftalmolog, lor, hırýrg, ýrolog, mammolog, pedıatr jáne basqalardan tegin tekserýden ótýge jáne emdelýge qaıta múmkindik alyp otyr. Poıyz zamanaýı dıagnostıkalyq jáne emdeý jabdyqtarymen, ýltradybystyq, flıýorografııalyq apparatpen, shaǵyn operatsııalyq bólmemen, zerthanamen, Internetke symsyz qol jetkizýge arnalǵan baılanys quraldarymen jabdyqtalǵan.
Eske salaıyq, dárigerler Jetisý oblysynda boldy jáne Kóksý, Qalpy, Lepsi, Aqtoǵaı, Beskól stansa turǵyndaryna joǵary bilikti medıtsınalyq kómek kórsetti. Jetisý oblysy boıynsha medıtsınalyq týr Dostyq stansasymen aıaqtaldy.
Jetisý oblysynan keıin medıtsınalyq poıyz Shyǵys Qazaqstan oblysyna týrǵa jol tartty. Shyǵys Qazaqstan oblysy Jarma, Ertis Zaýyty, Tıshınskıı, Ermakovka, Taýsamaly, Altaı, Kúmistaý, Shar, Belaǵash jáne Sýyq bulaq stansalarynyń turǵyndaryna medıtsınalyq kómek kórsetildi.
Buǵan deıin «QTJ-Júk tasymaly» JShS-da 26 sáýirde Almaty-2 stansasynan shyǵyp, osy jyldyń 6 jeltoqsanyna deıin saparlaıtyn «Salamatty Qazaqstan» medıtsınalyq poıyzynyń kestesin bekitken bolatyn.
Medıtsınalyq poıyzdyń qazirgi qozǵalys kestesi shalǵaıdaǵy stantsııalarda medıtsınalyq pýnktterdiń joqtyǵyn eskere otyryp jáne azamattar men memlekettik organdardyń ótinishteri negizinde jasalǵan edi.