«Salamatty Qazaqstan» medıtsınalyq poıyzy Mańǵystaý oblysynyń Ústirt stantsııasyna barady
«Salamatty Qazaqstan» medıtsınalyq poıyzy áleýmettik jobasy «Samruk-Kazyna Trust» áleýmettik jobalardy damytý qory «Samruk-Kazyna» AQ kompanııalar tobynyń atynan, QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń jáne Densaýlyq saqtaý mınıstrliginiń qatysýymen, «Áleýmettik jobalar qory» korporatıvtik qorymen yntymaqtastyqta iske asyp jatyr.
«Salamatty Qazaqstan» áleýmettik jobasynyń basty aqparattyq seriktesi QR Prezıdentiniń teleradıokesheni.
Bıyl Qazaqstan Respýblıkasy Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń qoldaýynyń arqasynda alǵash ret azamattardyń memlekettik áleýmettik qoldaý, zeınetaqy, járdemaqy, áleýmettik tólemder jáne ataýly áleýmettik kómek alý quqyqtaryn qorǵaý máseleleri boıynsha tegin konsýltatsııalar uıymdastyrylýda. Sonymen qatar, shalǵaı aımaqtardyń turǵyndary tegin medıatıvti jáne zańgerlik kómek ala alady.
Ústirt stantsııasyna medıtsınalyq poıyz 22 tamyzda saǵat 21: 50-de barady. Poıyz eki kúni bolyp 24 tamyzda saǵat 20:50-de ketedi.
Jobanyń sońyna deıin (2023 jylǵy 6 jeltoqsan) poezben júrip ótken jol halyqtyń joǵary bilikti medıtsınalyq, medıatıvtik jáne áleýmettik kómekke qol jetkize almaıtyn eldiń eń shalǵaı stantsııalary boıynsha shamamen 18 000 shaqyrymdy quraıdy.
Medıtsınalyq poıyzdyń baǵyty medıtsına bólimderi joq óńirlerdi qamtıdy. Bıyl shalǵaıdaǵy stantsııalardyń oqýshylary bilikti mamandardyń ıaǵnı terapevt, stomatolog, oftalmolog, hırýrg, ýrolog, mammolog, pedıatr taǵy sol sııaqty dárigerlerdiń tegin tekserýinen ótip, emdelý múmkindigin aldy. Poıyz zamanaýı dıagnostıkalyq jáne emdik jabdyqtarmen, ýltradybystyq, flıýorografııalyq apparatpen, shaǵyn operatsııalyq bólmemen, zerthanamen, ınternetke symsyz qol jetkizýge arnalǵan baılanys quraldarymen jabdyqtalǵan.
26 sáýir men 17 shilde aralyǵynda «Salamatty Qazaqstan» medıtsınalyq poıyzynyń mamandary Almaty, Pavlodar, Aqmola, Soltústik Qazaqstan, ShQO, Qostanaı oblystarynyń, sondaı-aq Ulytaý, Jetisý jáne Abaı oblystarynyń 47 stantsııasynyń turǵyndaryna kásibı medıtsınalyq, zańgerlik jáne medıatıvtik kómek kórsetti.
Buǵan deıin «QTJ-Júk tasymaly» JShS 26 sáýirde Almaty-2 stantsııasynan bastalǵan jáne 6 jeltoqsanyna deıin eldi aralaıtyn «Salamatty Qazaqstan» medıtsınalyq poıyzynyń kestesin bekitti.
Medıtsınalyq poıyzdyń qazirgi qozǵalys kestesi shalǵaıdaǵy stantsııalarda medıtsınalyq pýnktterdiń joqtyǵyn eskere otyryp jáne azamattar men memlekettik organdardyń ótinishteri negizinde jasalǵan.
