«Salamatty Qazaqstan» medıtsınalyq poıyzy Ertis zaýyty stantsııasyna keldi
Medıtsınalyq týr aıasynda stantsııa turǵyndary joǵary bilikti medıtsınalyq kómekke júgine alady. Ertis zaýyty stantsııasyna medıtsınalyq poıyz tańǵy saǵat 07:47-de keldi. Ol eki kúnnen keıin 27 mamyrda saǵat 05:40-ta kelesi beketke ketedi.
Medıtsınalyq poıyz marshrýty medıtsınalyq kabıneti joq aımaqtardy qamtıdy. ıAǵnı, bıyl shalǵaıdaǵy stantsııalardyń turǵyndary terapevt, stomatolog, oftalmolog, lor, hırýrg, ýrolog, mammolog, pedıatr syndy bilikti mamandarda tegin tekserýden ótip, emdelýge múmkindik aldy. Poıyz zamanaýı dıagnostıkalyq jáne emdik jabdyqtarmen, ýltradybystyq, flıýorografııalyq apparatpen, shaǵyn operatsııalyq bólmemen, zerthanamen, Internetke symsyz qol jetkizýge arnalǵan baılanys quraldarymen jabdyqtalǵan.
Buǵan deıin medıtsınalyq poıyz Jetisý oblysynda bolǵan edi. Dárigerler Kóksý, Qalpe, Lepsi, Aqtoǵaı, Beskól stantsııalarynyń turǵyndaryna joǵary bilikti medıtsınalyq kómek kórsetti. Jetisý oblysy boıynsha Medıtsınalyq týr Dostyq stantsııasymen aıaqtaldy.
Aıta keteıik, 26 sáýirde Almaty-2 stantsııasynan bastalǵan «Salamatty Qazaqstan» medıtsınalyq poıyzy 6 jeltoqsanǵa deıin júredi.
«Medıtsınalyq poıyz» jobasyn «Samuryq-Qazyna» AQ kompanııalar tobynyń atynan «Samruk-Kazyna Trust» áleýmettik jobalardy damytý qory, QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń jáne Densaýlyq saqtaý mınıstrliginiń qatysýymen, «Qazaqstan temir joly» UK» AQ janyndaǵy «Áleýmettik jobalar qory» korporatıvtik qorymen jáne aqparattyq seriktes - Jibek Joly telearnasymen birge júzege asyrady.
Medıtsınalyq poıyzdyń qazirgi qozǵalys kestesi shalǵaıdaǵy stantsııalarda medıtsınalyq pýnktter joqtyǵyn eskere otyryp jáne azamattar men memlekettik organdardyń ótinishteri negizinde jasalǵan.
