Salamatty Qazaqstan: medıtsınalyq poıyz Pavlodar oblysyna jetti
«Salamatty Qazaqstan» medıtsınalyq poıyzy Shaqat stantsııasyna 13 maýsym kúni saǵat 2:03-te keldi. «Densaýlyq kerýeni» bekette 14 maýsym saǵat 21:40-qa deıin turady. Sondaı-aq, poıyz kestesine Pavlodar oblysynyń Krasnoarmeıka, Spýtnık, Tasqudyq, Maıqaıyń, Bozshakól, Óleńti jáne Torǵaı sııaqty stantsııalary engizilgen.
Esterińizge sala keteıik, poıyzdyń medıtsınalyq quramyna terapevt, hırýrg, jalpy tájirıbe dárigeri, nevropatolog, ýltradybystyq dıagnostıka dárigeri, akýsher, zerthanashylar, medbıkeler, rentgenolog, sáýlelik dıagnostıka dárigeri, stomatolog, otolarıngolog, psıholog, okýlıst, gınekolog jáne ýrolog kiredi. QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń bastamasymen alǵash ret azamattarǵa tıimdi psıhologııalyq, quqyqtyq jáne medıatıvtik (tatýlastyrý) kómek kórsetetin kásibı psıholog, medıator jáne zańger jumys isteýde. Budan basqa, azamattardyń memlekettik áleýmettik qoldaý alý, zeınetaqy, járdemaqy, áleýmettik tólemder jáne ataýly áleýmettik kómek alý quqyqtaryn qorǵaý máseleleri boıynsha tegin keńester ótkiziledi.
23 mamyrdan 12 maýsymǵa deıin «Salamatty Qazaqstan» medıtsınalyq poıyzy ShQO men Abaı oblysynyń 11 shalǵaı stantsııasynda (Jarma, Ertis zaýyty, Tıshınskaıa, Ermakovka, Taýsamaly, Altaı, Kúmistaý, Shar, Sýyqbulaq, Bel-Aǵash, Degeleń) boldy. Munda konsýltatıvtik-dıagnostıkalyq poıyzdyń dárigerleri 7 104 turǵyndy, onyń ishinde 1 031 balany qabyldady. Dárigerlerge qaralýdyń jalpy sany – 19 414. 550 shaǵyn hırýrgııalyq operatsııa jasaldy.
Poıyzdaǵy ár maman, atap aıtqanda jalpy tájirıbe dárigeri, terapevt, pedıatr – 1 665 adam, hırýrg – 2 282, ýrolog – 2 224, nevropatolog – 1 964, oftalmolog – 2 660, LOR – 1 425, akýsher-gınekolog – 739, stomatolog – 1 497, EKG – 952, ÝDZ – 2 936, FLG – 412 jáne kardıolog 108 adamdy tekserdi.
Áıelder isteri jáne otbasylyq-demografııalyq saıasat jónindegi ulttyq komıssııanyń medıatory men zańgeri halyqty áleýmettik qoldaý máselesinde aýqymdy jumys atqardy. ShQO-nyń 10 shalǵaı stantsııasynda azamattardan 510 ótinishi qabyldanyp, 46 medıatıvtik kelisimge qol qoıyldy.
«2013 jyly ajyrasqan, burynǵy kúıeýi alıment tólemeıtin áıeldiń jaǵdaıyn qaradyq. Onyń 3 kámeletke tolmaǵan balasy bar, qart ata-anasymen birge apatty 2 bólmeli páterde turady, kómek suraıdy. Men aýdan ákiminiń orynbasaryn shaqyryp, oǵan jalǵa beriletin turǵyn úıge kezekke turýǵa kómektesýin ótindim. Olar kómektesetin boldy. Sondaı-aq, shaǵyn bıznesi úshin mádenıet úıinen aqysyz bólme jaldaýdy usyndy. Kúzde páter bólinedi», - deıdi kásibı medıator Janara Ósipbekova.
Sondaı-aq, Abaı oblysynyń bes stantsııasynda 330 ótinish qabyldanyp, 32 medıatıvtik kelisim jasaldy. Semeı polıgony aýdanynda turatyn turǵyndar úshin áleýmettik járdemaqy bolmaýynyń máselesi – 48, memlekettik turǵyn úıge kezekke qoıý – 22, jyljymaıtyn múlik qujattaryn resimdeý – 31, grant boıynsha shaǵyn bıznes ashý – 55, múgedekterge járdemaqy alý – 18, alıment tóleý – 11, nesıeni keıinge qaldyrý – 35, jumys izdeý – 27, qoǵamdyq kóliktiń, aýrýhananyń, dárihananyń, jumystyń bolmaýy máselesi – 63 ótinish berilgen.
Aıta keteıik, jobany «Samuryq-Qazyna» AQ kompanııalar tobynyń atynan «Samruk-Kazyna Trust» áleýmettik jobalardy damytý qory Densaýlyq saqtaý mınıstrliginiń qatysýymen, «Áleýmettik jobalar qory» QQ júzege asyryp otyr. Aqparattyq seriktes – Jibek Joly telearnasy.
