«Salamatty Qazaqstan» medıtsına poıyzy SQO-ǵa jol tartty

PETROPAVL. QazAqparat – 28 maýsym men 4 shilde aralyǵynda Soltústik Qazaqstan oblysynda «Salamatty Qazaqstan» medıtsınalyq poıyzy jumys isteıdi. Aıyrtaý, Tımırıazev jáne Jambyl aýdanynyń turǵyndary bilikti mamandarǵa qaralyp, tegin tekserýden óte alady, dep habarlaıdy QazAqparat tilshisi.

SQO ákimdigi ishki saıasat basqarmasynyń málimetinshe, «Salamatty Qazaqstan» medıtsınalyq poıyzy 26 sáýirden bastap el aýmaǵynda jumys isteı bastady.

Bul – QR Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń bastamasy.

Kestege sáıkes 28 maýsym men 4 shilde aralyǵynda «Salamatty Qazaqstan» medıtsınalyq poıyzy Soltústik Qazaqstan oblysynyń aýmaǵynda bolady.

28 maýsym kúni saǵat 7.35-te poıyz Aıyrtaý aýdany Saýmalkól stantsııasyna keledi. Kelesi kúni saǵat 21.10-da osy aýdannyń ıAnko stantsııasyna toqtaıdy.

30 maýsymda saǵat 22.36-da Tımırıazev aýdanynyń Belogradovka stantsııasyna toqtamaq.

1 shilde kúni saǵat 21.12 Sýly stantsııasyna keledi.

Al 3 shilde kúni saǵat 22.40-ta Jambyl aýdanynyń Baýman stantsııasyna toqaıdy.

Medıtsınalyq poıyz patsıentterdi saǵat 9.00-den 18.00-ge deıin qabyldaıdy. Saǵat 13.00-den 14.00-ge deıin túski úzilisi bar.

Dárigerler alǵashqy medıtsınalyq-sanıtarlyq kómek kórsetedi, konsýltatsııalar men tekserýler júrgizedi.

Poıyzda terapevt, hırýrg, jalpy tájirıbelik dáriger, nevropatolog, ýltradybystyq dıagnostıka dárigeri, akýsher, zerthanashylar, medbıkeler, rentgenolog, sáýlelik dıagnostıka dárigeri, stomatolog, otolarıngolog, psıholog, okýlıst, gınekolog jáne ýrolog mamandar bar.

Áıelder isteri jáne otbasylyq-demografııalyq saıasat jónindegi ulttyq komıssııanyń bastamasymen alǵash ret poıyzda medıtsınalyq járdemnen bólek turǵyndarǵa kásibı psıhologııalyq, quqyqtyq jáne medıatıvtik kómek kórsetilmek.

Budan basqa, azamattardyń memlekettik áleýmettik qoldaý alý, zeınetaqy, járdemaqy, áleýmettik tólemder jáne ataýly áleýmettik kómek alý quqyqtaryn qorǵaý máseleleri boıynsha tegin konsýltatsııalar ótkiziledi.

Al taldaý, EKG, EHO, flıýorografııa, ýltradybystyq tekserýler tegin júrgizilip, nátıjeleri sol jerde beriledi.

Uıymdastyrýshylardyń aıtýynsha, mamandar turǵyndardy áleýmettik mártebesine, turǵylyqty jeri men saqtandyrylý jaǵdaıyna qaramastan kezekpen qabyldaıdy. Tek 18 jasqa deıingi balalar tek ata-analarymen birge qabyldanady. Keshki saǵat 17.00-den keıin naýqas tósek tartyp jatqan jaǵdaıda maman úıge baryp onyń jaǵdaıyn bilýi múmkin.

Jobany «Samuryq-Qazyna» AQ kompanııalar tobynyń atynan «Samruk-Kazyna Trust» áleýmettik jobalardy damytý qory, Densaýlyq saqtaý mınıstrliginiń qatysýymen, áleýmettik jobalar qorynyń jáne aqparattyq áriptes - Jibek Joly telearnasymen yntymaqtastyqta iske asyryp jatyr.