«Salamatty Qazaqstan» baǵdarlamasyn júzege asyrý aıasynda QR Úkimeti janyndaǵy densaýlyq saqtaý jónindegi úılestirý keńesiniń otyrysy ótti

Jıynǵa memlekettik organdar jáne halyqaralyq uıymdardyń ókilderi qatysty, dep habarlady QR Densaýlyq saqtaý mınıstrliginiń baspasóz qyzmeti.

Keńes otyrysynda týberkýlez, AQTQ/JQTB aýrýlarymen kúrestegi sektoraralyq ózara is-áreket máseleleri jáne olardy sheshý joldary, sondaı-aq penıtentsıarlyq júıedegi týberkýlez, AQTQ/JQTB dertine shaldyqqan naýqastarǵa kórsetiletin medıtsınalyq qyzmet kórsetýdi jaqsartý perspektıvalary talqylandy.

Sońǵy 5 jylda Qazaqstanda týberkýlezben aýyrý 32,4% tómendese (100 myń adamǵa shaqqanda 2005 jyly 147,3 bolsa, 2010 jyly 95,3 qurady), osy kezeńde týberkýlezden bolǵan ólim-jitim kórsetkishi 49,0% azaıdy (100 myń adamǵa shaqqanda 2005 jyly 20,8 bolsa, 2010 jyly 10,6 qurady).

Keńeste penıtentsıarlyq júıedegi epıdemıologııalyq jaǵdaıdy jaqsartý máseleleri qarastyryldy.

«Salamatty Qazaqstan» memlekettik baǵdarlamasyn júzege asyrý aıasynda medıtsınalyq quraldardy jańartý arqyly óńirlik týberkýlezge qarsy uıymdardyń materıaldyq-tehnıkalyq bazasy nyǵaıtylýda.

«Halyq densaýlyǵy jáne densaýlyq saqtaý júıesi týraly» QR Kodeksi sheńberinde respýblıkada normatıvtik quqyqtyq baza jetildirildi.

Sońǵy jyldary týberkýlezge qatysty birlesken normatıvtik quqyqtyq aktilerdi ázirleý, aqparatty ýaqytyly berý, qylmystyq atqarý júıesi mekemesinen bosap shyqqan emi aıaqtalmaǵan naýqasty týberkýlezge qarsy uıymdarǵa dıspanserlik esepke alý boıynsha sektoraralyq ózara is-áreket boıynsha is-sharalar eleýli túrde kúsheıtildi. Óńirlerge birlesken monıtorıngtik issaparlar jasalyp, epıdemıologııalyq baqylaý sharalary atqarylýda.

Naýqastardy emdeýdiń tıimdilik kórsetkishterin jaqsartýda olarǵa kórsetiletin áleýmettik qoldaýdyń mańyzy zor. Ákimdikter 2010 jyly týberkýlezge shaldyqqan 19000 naýqasty áleýmettik qoldaýǵa 216,5 mln. teńge qarjy bóldi, onyń 58% tórt óńirge - Pavlodar, Aqmola oblystary, Astana jáne Almaty qalalarynyń úlesine tıedi.

Ótken jyly respýblıka boıynsha 720 orynǵa eseptelgen sanatorıı túrindegi qosymsha 8 mektepke deıingi mekeme ashyldy.

Respýblıkada AQTQ ınfektsııasyna qatysty epıdemıologııalyq jaǵdaı turaqtalyp, qazirgi tańda 0,17% deńgeıinde saqtalýda. Sońǵy jyldary epıdemııaǵa qarsy júrgizilgen is-sharalar nátıjesinde AQTQ ınfektsııasyna qatysty jańa jaǵdaılardyń tirkelýi boıynsha tómendeý úrdisi baıqalady. 2008 jylmen salystyrǵanda 2010 jyly AQTQ ınfektsııasy dertine shaldyǵý kórsetkishi 15% tómendedi. Antıretrovırýstik terapııa engizilgeli elimizde AQTQ ınfektsııasyna shaldyqqan adamdardyń ómir súrý uzaqtyǵy artyp, jalpy ólim-jitim 1,5 ese azaıǵan.

Keńes otyrysynyń qorytyndysynda qatysýshylar memlekettik jáne densaýlyq saqtaýdyń vedomstvolyq qyzmetteriniń ózara belsendi is-áreketi arqyly penıtentsıarlyq júıedegi týberkýlez jáne AQTQ/JQTB dertine shaldyqqan naýqastarǵa kórsetiletin medıtsınalyq qyzmet kórsetýdi jaqsartý jáne epıdemıologııalyq ahýaldyń sapasyn kóterýge qatysty usynystardy qabyldady.