«Salamatty Qazaqstan» baǵdarlamasy aıasynda joǵary tehnologııalyq medıtsınalyq kómektiń qoljetimdiligi artýda
ASTANA. 29 jeltoqsan. QazAqparat - Elimizde joǵary tehnologııalyq medıtsınalyq kómektiń qoljetimdiligi artýda, dep habarlaıdy pm.kz saıty.
«Salamatty Qazaqstan» baǵdarlamasynda qarastyrylǵan sharalardyń aıasynda elimizde joǵary tehnologııalyq medıtsınalyq kómekke degen qoljetimdilik artyp otyr. Aǵymdaǵy jyly 98 osyndaı kúrdeli operatsııa jasaldy.
Atap aıtqanda, 2011 jyly tiri donorlardan búırek alyp salýdyń 13 operatsııasy jasalǵan (2009 jyly - 4 operatsııa), julyn mıyn aýtologııalyq transplantatsııalaýdyń 7 operatsııasy, aorta tamyrlaryn endoprotezdeýdiń 6 operatsııasy júzege asyrylǵan.
