"Salamatty Qazaqstan" baǵdarlamasy aıasynda Almatyda 16 joba júzege asyrylýda
ALMATY. 7 sáýir. QazAqparat /Ádilet Musahaev/ - Bizdiń ortalyqtyń negizgi mindeti halyq arasynda salaýatty ómir saltyn keńinen nasıhattaý.
Bul jaıynda Almaty qalalyq salaýatty ómir saltyn qalyptastyrý ortalyǵynyń nasıhat jáne kommýnaldyq isi bóliminiń bastyǵy Jaqsygeldi Aqanov Almatyda ótip jatqan semınar barysynda málim etti.
Qazirgi ýaqytta Respýblıka boıynsha "Salamatty Qazaqstan" atty baǵdarlama iske asyrylýda. Sonyń aıasynda qalada 16 baǵdarlama jumys istep jatyr. «24 naýryz kúni dúnıejúzilik týberkýlez kúnin atap ótip, soǵan oraı aılyq ótkizdik. Jastar arasynda atalǵan indettiń taralýy jóninde maǵlumat berip, sporttyq sharalar uıymdastyrdyq. Oǵan 15-ten asa joǵary oqý ornynyń stýdentteri qatysty», -deıdi J.Aqanov.
Sonymen qatar ol MAI qyzmetkerlerimen birigip, jol apattaryna qarsy, onyń aldyn alý jónindegi aılyqty ótkizip jatqandyqtaryn atap ótti. J.Aqanov atqarylyp jatqan istermen qatar alǵa qoıyp otyrǵan basqa da is-sharalarǵa toqtalyp ótti. «Jaqyn kúnderi Bilim berý basqarmasymen birigip durys tamaqtaný men salaýatty ómir saltyn qalyptastyrý onkúndigin ótkizbekpiz. Sondaı-aq jazǵy salym bolatyn nashaqorlyqqa qarsy dúnıejúzilik kúnin atap ótip, soǵan qatysty kóptegen is-sharalar uıymdastyratyn bolamyz», -dedi ol.
