«Salamatty Qazaqstan» Túrkistan oblysynyń qaı aýyldaryna aıaldaıdy

 «Salamatty Qazaqstan» medıtsınalyq poıyzy qarasha aıynda Túrkistan oblysyna toqtaıdy, dep habarlaıdy Kazinform.

«Salamatty Qazaqstan» medıtsınalyq poıyzy Túrkistan oblysyna qarasha aıynyń 4-nen bastap 17-ine deıin toqtaıdy. Onda shalǵaı jerlerde ornalasqan stantsııa turǵyndary bilikti medıtsına mamandarynan tegin keńes pen em alýǵa múmkindikteri bar.

Atap aıtsaq, terapevt, stomatolog, oftalmolog, LOR dárigeri, hırýrg, ýrolog, nevropatolog, gınekolog mamandar halyqqa qyzmet kórsetedi.

«Salamatty Qazaqstan» medıtsınalyq poıyzy zamanaýı dıagnostıkalyq jáne medıtsınalyq jabdyqtarmen, shaǵyn operatsııalyq bólme, zerthana, ınternetke symsyz qosylýǵa arnalǵan baılanys quraldarymen jabdyqtalǵan.

Áleýmettik jobanyń maqsaty – el aımaqtarynyń shalǵaı stantsııalarynda turatyn azamattaryna tegin medıtsınalyq, psıhologııalyq, quqyqtyq jáne medıatıvtik (tatýlasý) kómek kórsetý.

Medıtsınalyq poıyz 4 qarasha - Saýran aýdany Shornaq eldimekeni (Kúnshaǵyr), 5-6 qarasha - Otyrar aýdany Shoıtóbe eldimekeni (Aqshoqat), 7 qarasha - Otyrar aýdany Temir eldimekeni (Qaraqońyr), 9 qarasha - Arys qalasy (Shaǵyr), 11 qarasha - Ordabasy aýdany Badam eldimekeni (Badam), 17 qarasha - Túlkibas aýdany Sastóbe eldi mekenderine (Yntymaq) toqtaıdy.

Azamattardy qabyldaý ýaqyty: saǵat 09.00-18.00 

Poıyz demalyssyz jumys isteıdi.

Túski úzilis: 13.00-14.00.