«Salamatty Qazaqstan» poıyzynyń dárigerleri Qulsarynyń 500 turǵynyna kómek berdi
ATYRAÝ. KAZINFORM – «Salamatty Qazaqstan» medıtsınalyq poıyzynyń dárigerleri Qulsary qalasynyń 500-den turǵynyna tegin kómek kórsetti.
Kesheden beri «Salamatty Qazaqstan» medıtsınalyq poıyzy Qulsary qalasynyń turǵyndaryna turǵyndaryna kómek kórsetip jatyr. Bul poıyz munda 28 mamyrǵa deıin aıaldaıdy. Atyraý oblysynyń jedel shtabynan málim etkendeı, bir táýliktiń ishinde medıtsına qyzmetkerleri Qulsary qalasynyń 500-den astam turǵynyna qyzmet kórsetti. Medıtsınalyq poıyzdyń arnaıy mobıldi toby №6 mektep pen S.Ótebaev atyndaǵy kolledjdiń jataqhanasyndaǵy evakýatsııalyq pýnktterge ornalasqan turǵyndardy medıtsınalyq tekserýden ótkizdi.
«Bizdiń úıimiz sýǵa ketip, evakýatsııalyq pýnktte turyp jatyrmyz. Osyndaı sátte «Salamatty Qazaqstan» poıyzynyń dárigerleri kelip, qyzmet kórsetti. Ózimniń qan qysymym joǵary edi. Dárigerler qan qysymymdy ólshep, júregimdi tekserdi. Kásibı biliktiligi joǵary dárigerlerge kózimdi qaratý úshin poıyzǵa barǵaly turmyn», - dedi Qulsary qalasynyń turǵyny Baýyrjan Jasaqbaev.
Bul poıyzdyń quramyna 40 maman bar. Olar – medıtsına qyzmetkerleri, medıatorlar men zańgerler. Medıtsına mamandarynyń qataryna terapevt, hırýrg, pedıatr, psıholog, nevropatolog, ýltradybystyq dıagnostıka mamany, jalpy tájirıbelik dáriger, rentgenolog, kardıolog, stomatolog, oftalmolog, otolarıngolog, pedıatr, onkolog-mammolog, gınekolog jáne ýrolog engen.
Eske sala ketelik, budan buryn «Salamatty Qazaqstan» medıtsınalyq poıyzy Qulsaryǵa jetkenin jazǵan edik.
