Salamatty Qazaqstan poıyzy: Pavlodarda 2 500-ǵa jýyq adam dárigerlik tekserýden ótti
PAVLODAR. KAZINFORM – «Salamatty Qazaqstan» medıtsınalyq poıyzy Pavlodar oblysynyń shalǵaıda ornalasqan 6 eldi mekenin aralap shyqqan.
Barlyq medıtsınalyq qyzmetter mindetti áleýmettik medıtsınalyq saqtandyrý júıesi jáne tegin medıtsınalyq kómektiń kepildik berilgen kólemi sheńberinde tegin kórsetildi.
– Poıyzdyń medıtsınalyq brıgadasy Shiderti, Maıqaıyń, Spýtnık, Sharbaqty, Kóktóbe, Jumysker aýyldarynda bolyp, jalpy sany 2445 adamdy medıtsınalyq tekserýden ótkizdi. Onyń 1 109-y – bala. Aýyl turǵyndary arnaıy mamandardyń qabyldaýynda bolyp, medıtsınalyq aqyl-keńester aldy, zamanǵa saı dıagnostıkalyq zertteýlerden ótti. Barlyq qyzmet túri tegin kórsetildi, - dep habarlady Pavlodar oblysy densaýlyq saqtaý basqarmasynan.
Dárigerler 139 adamnyń tisin tegin julyp, 10 adamǵa shaǵyn hırýrgııalyq otalar jasaǵan.
Buǵan deıin «Salamatty Qazaqstan» medıtsınalyq poıyzy 123 aýylǵa baratyny týraly jazǵanbyz.
