«Salamatty Qazaqstan» medıtsınalyq poıyzy Qostanaı aýyldaryna jetti
QOSTANAI. KAZINFORM – «Salamatty Qazaqstan» medıtsınalyq poıyzy eldik áleýmettik jobasyn iske asyrý sheńberinde Qostanaı oblysy Denısov aýdanynyń «Denısovka» stantsııasyna ártúrli beıindegi 30 medıtsına qyzmetkerinen turatyn komandamen keldi.
Densaýlyq saqtaý mınıstrligi málimetinshe, poıyzdyń quramynda ártúrli mamandyqtaǵy dárigerler jumys isteıdi: terapevtter, hırýrgtar, pedıatrlar, kardıologtar, nevropatologtar, LOR dárigerleri, oftalmologtar, stomatologtar, gınekologtar, ýrologtar, psıhologtar jáne fýnktsıonaldyq dıagnostıka mamandary. Patsıentterge ýltradybystyq, EKG, flıýorografııa, gastroskopııa, zerthanalyq zertteýler qoljetimdi. Qajet bolsa, shaǵyn hırýrgııalyq aralasýlar jasalady.
Jobanyń maqsaty – aýyl turǵyndaryn sapaly jáne qoljetimdi medıtsınalyq kómekpen qamtamasyz etý. Marshrýtpen qamtylǵan eldi mekenderdiń turǵyndary medıtsınalyq saqtandyrýdyń bolýyna qaramastan tegin konsýltatsııa men dıagnostıka ala alady.
Poıyz «Denısovka» stantsııasynda birneshe kún bolady, sodan keıin Qostanaı oblysynyń basqa aýdandary boıynsha marshrýtty jalǵastyrady.
Joba Qazaqstan Densaýlyq saqtaý mınıstrliginiń, «Samruk-Kazyna Trust» qorynyń, sondaı-aq Qazaqstan Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń qoldaýymen iske asyrylyp jatyr.
Aıta keteıik, «Salamatty Qazaqstan» medıtsınalyq poıyzy 123 aýylǵa barady.