«Salamatty Qazaqstan» medıtsınalyq poıyzy Qyzylorda oblysyna keldi

«Salamatty Qazaqstan» medıtsınalyq poıyzy Qyzylorda oblysyna keldi, dep habarlaıdy Kazinform.

2023 jyldyń 18 qazanynda «Salamatty Qazaqstan» medpoıyzy Qyzylorda oblysyna keldi. Ol 3 qarashaǵa deıin 9 stansada turǵyndardy qabyldaıdy.

Máselen, oblystyń birinshi stantsııasy — Sekseýil (18-21 qazan) bolady.

Odan ári Sapaq (21-22 qazan), Shómish (22-23 qazan), Belkól (24-26 qazan), Tartoǵaı (26-27 qazan), Báıgequm (27-29 qazan), Aqmaıa (29-31 qazan), Ekpindi (31 qazan — 2 qarasha) jáne Aqqum (2-3 qarasha) stansalary men razezderinde halyqqa qyzmet kórsetedi.

Aıta keteıik, «Salamatty Qazaqstan» medıtsınalyq poıyzy óz jumysyn bıylǵy sáýir aıynda bastaǵan. Belkól sodan beri olar aıaldaǵan 100-shi stansa bolady.

Eske salsaq, «Salamatty Qazaqstan» medpoıyzy áleýmettik jobasyn «Samruk-Kazyna Trust» áleýmettik jobalardy damytý qory «Samruk-Kazyna» AQ kompanııalar tobynyń atynan QR Prezıdenti janyndaǵy áıelder isteri jáne otbasylyq-demografııalyq saıasat jónindegi ulttyq komıssııa júzege asyryp otyr.

Qyzylorda oblysynan keıin medıtsına poıyzy Túrkistan (3-19 qarasha) jáne Jambyl (20 qarasha-5 jeltoqsan) oblystarynyń árbirinde segiz stansada turǵyndarǵa qyzmet kórsetedi.

Al 6 jeltoqsanda «Salamatty Qazaqstan» poıyzy óz jumysyn aıaqtaıdy.

Eske salsaq, munyń aldynda «Salamatty Qazaqstan» medıtsınalyq poıyzy Aqtóbe oblysyna saparyn aıaqtaǵan edi.