«Salamatty Qazaqstan» medıtsınalyq poıyzy Qyzylorda oblysy Shómish stantsııasyna barady
Qyzylorda oblysy turǵyndaryna biliktiligi joǵary dárigerlerdiń kómegi qoljetimdi bolmaq. Shómish beketine «Salamatty Qazaqstan» medıtsınalyq poıyzy barady, dep habarlaıdy Kazinform agenttiginiń menshikti tilshisi.
«Salamatty Qazaqstan» medpoıyzy áleýmettik jobany «Samruk-Kazyna Trust» áleýmettik jobalardy damytý qory «Samruk-Kazyna» AQ kompanııalar tobynyń atynan, QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa men Densaýlyq saqtaý mınıstrliginiń qatysýymen, «Áleýmettik jobalar qory» Korporatıvtik qorymen birlesip júzege asyryp jatyr. «Salamatty Qazaqstan» áleýmettik jobasynyń basty aqparattyq seriktesi – QR Prezıdentiniń Teleradıokesheni.
QR Prezıdenti janyndaǵy áıelder isteri jáne otbasylyq-demogrfııalyq saıasat ulttyq komıssııasynyń qoldaýymen bıyl alǵash ret áleýmettik qoldaý, zeınetaqy taǵaıyndaý, áleýmettik tólem, ataýly áleýmettik kómek jóninde keńes alýǵa múmkindik jasaldy. Sonymen birge shalǵaıdaǵy aýyl turǵyndary medıatsııa jáne zańgerlik keńes ala alady.
Medıtsınalyq poıyz Shómish stantsııasyna búgin 22:33-de kelip, 23 qazan 23:30-ǵa turǵyndardy qabyldaıdy.
Joba aıaqtalǵansha (2023 jyldyń 6 jeltoqsanyna deıin) barlyǵy 18 myń shaqyrym jol júredi. Mamandar medıtsınalyq, medıatsııalyq, quqyqtyq keńes, kómek ala almaı júrgen adamdardyń muń-muqtajyn tyńdap, em-dom jasaıdy, aqyl-keńesin beredi. Bıyl aýyl halqy terapevt, stomatolog, oftalmolog, hırýrg, ýrolog, mammolog, pedıatr sekildi salalardy qamtıtyn joǵary bilikti mamandardyń qabyldaýynda bolyp, qajet kezde shaǵyn ota da jasata alady. Tis emdeý, julý da tegin. Poıyz ishindegi apparattyń bári zamanaýı talapqa saı. Onda ÝZD, flıýorografııa apparaty, zerthana bar. Sonymen birge ınternetke qosýly.
Aıta keteıik, «QTJ-Júk tasymaly» JShS buǵan deıin «Salamatty Qazaqstan» medıtsınalyq poıyzynyń baǵytyn bekitti. Poıyz 26-sáýir kúni Almaty-2 temirjol vokzalynan shyqty. Jumysyn 6 jeltoqsanǵa deıin jalǵastyrady. Bul joly da medıtsınalyq pýnkti joq, shalǵaı aýyldarǵa basymdyq berildi.
