«Salamatty Qazaqstan» medıtsınalyq poıyzy Aqtóbeniń Qarashoqat stansasyna barady
«Salamatty Qazaqstan» medıtsınalyq poıyzy Aqtóbeniń Shalqar aýdanynda. 17-qazan kúni Qarashoqat stansasyna aıaldap, qyzmet kórsetedi, dep habarlaıdy Kazinform.
«Salamatty Qazaqstan» medıtsınalyq poıyzy – áleýmettik joba. Іske asyrýda «Samruk-Kazyna» AQ-nyń «Samruk-Kazyna Trust» áleýmettik jobalardy damytý qory, QR Prezıdenti janyndaǵy áıelder isteri jáne otbasylyq-demogrfııalyq saıasat ulttyq komıssııasy men QR Densaýlyq saqtaý mınıstrligi jáne «Áleýmettik jobalar qory» qorymen birlese kóp jumys atqaryldy. «Salamatty Qazaqsan» áleýmettik jobasynyń negizgi aqparattyq seriktesi - QR Prezıdenti Teleradıokesheni.
QR Prezıdenti janyndaǵy áıelder isteri jáne otbasylyq-demogrfııalyq saıasat ulttyq komıssııasynyń qoldaýymen bıyl alǵash ret áleýmettik qoldaý, zeınetaqy taǵaıyndaý, áleýmettik tólem, ataýly áleýmettik kómek jóninde keńes alýǵa múmkindik jasaldy. Sonymen birge shalǵaı aýyl turǵyndary medıatsııa jáne zańgerlik keńes ala alady. Poıyz Aqtóbeniń Shalqar aýdany Qarashoqat stansasyna 17-qazan kúni saǵat 01:13-te barady. Munda 18-qazan kúni saǵat 20:05-ke deıin qabyldaý júrgizedi.
Joba aıaqtalǵansha (2023 jyldyń 6-jeltoqsanyna deıin) barlyǵy 18 myń shaqyrym jol júredi. Mamandar medıtsınalyq, medıatsııalyq, quqyqtyq keńes, kómek ala almaı júrgen adamdardyń muń-muqtajyn tyńdap, em-dom jasaıdy, aqyl-keńesin beredi. Bıyl aýyl halqy terapevt, stomatolog, oftalmolog, hırýrg, ýrolog, mammolog, pedıatr sekildi salalardy qamtıtyn joǵary bilikti mamandardyń qabyldaýynda bolyp, qajet kezde shaǵyn ota da jasata alady. Tis emdeý, julý da tegin. Poıyz ishindegi apparattyń bári zamanaýı talapqa saı. Onda ÝZD, flıýorografııa apparaty, zerthana bar. Sonymen birge ınternetke qosýly.
Aıta keteıik, «QTJ-Júk tasymaly» JShS-i buǵan deıin «Salamatty Qazaqstan» medıtsınalyq poıyzynyń baǵytyn bekitti. Poıyz 26-sáýir kúni Almaty-2 temirjol vokzalynan shyqty. Jumysyn 6-jeltoqsanǵa deıin jalǵastyrady. Bul joly da medıtsınalyq pýnkti joq, shalǵaı aýyldarǵa basymdyq berildi.
