Salamatty Qazaqstan Qyzylorda oblysyndaǵy saparyn aıaqtady, endi Túrkistan oblysyna barady

«Salamatty Qazaqstan» medıtsınalyq poıyzy Qyzylorda oblysyndaǵy saparyn aıaqtap, búginnen bastap Túrkistan oblysynda saparyn jalǵastyrady, dep habarlaıdy Kazinform.

Eki aptadan astam ýaqyt ishinde medpoıyz Qyzylorda oblysynda 9 stansada 3 qarashaǵa deıin jergilikti azamattarǵa qyzmet kórsetti.

Medıtsınalyq poıyzdyń Qyzylorda oblysyndaǵy sapary 18 qazanda Aral aýdanyndaǵy Sekseýil statsııasynan bastaldy.

Odan keıin sol aýdandaǵy Sapaq (21-22 qazan), Shómish (22-23 qazan) stantsııalarynda jergilikti turǵyndarǵa qyzmet kórsetti.

Dárigerler odan keıingi jumysyn Qyzylorda qalasyna qarasty Belkól (24-26 qazan) kentinde jalǵastyrdy.

Budan keıingi kezekte Shıeli aýdanyndaǵy Tartoǵaı (26-27 qazan), Báıgequm (27-29 qazan), Aqmaıa (29-31 qazan), Jańaqorǵan aýdanyndaǵy Ekpindi (31 qazan-2 qarasha) jáne Aqqum (2-3 qarasha) stantsııalarynda boldy.

Aqqum stantsııasyna medıtsınalyq poıyz 2 qarashada saǵat 22:45-te kelip, 3 qarasha kúni saǵat 22:15-te saparyn ári qaraı jalǵastyrady.

«Salamatty Qazaqstan» medpoıyzy áleýmettik jobasyn «Samruk-Kazyna Trust» áleýmettik jobalardy damytý qory «Samruk-Kazyna» AQ kompanııalar tobynyń atynan QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa men Densaýlyq saqtaý mınıstrliginiń qatysýymen «Áleýmettik jobalar qory» Korporatıvtik qory birlesip júzege asyryp jatyr. «Salamatty Qazaqstan» áleýmettik jobasynyń basty aqparattyq seriktesi – QR Prezıdentiniń Teleradıokesheni.

Medıtsınalyq poıyzdyń bas dárigeri Aınur Eginbaevanyń aıtýynsha, kópshilik arasynda kardıolog, nevropatolog, okýlıst, stomatolog, lor sekildi dárigerlerge suranys kóp. Sondaı-aq, dárigerler ınsýlt alǵan kisilerdiń úıine baryp qyzmet kórsetken.

"Olardy arnaıy medıtsınalyq jabdyqtar arqyly tekserýden ótkizip, tıisti dıagnoz qoıyldy.

Jalpy, bizge elimizdiń kez kelgen azamaty kelip densaýlyǵyn tekserte alady. Olardyń biz toqtaǵan stantsııa turǵyny bolýy shart emes. Qazirge deıin 60 myńnan astam adamǵa qyzmet kórsetildi. Onyń 10-15 paıyzǵa jýyǵy - balalar», - dedi ol.

Bıyldan bastap QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń qoldaýymen azamattardyń memlekettik áleýmettik qoldaý alý quqyǵyn qorǵaý, zeınetaqy taǵaıyndaý, járdemaqy, áleýmettik tólemder men ataýly áleýmettik kómek máselesine baılanysty tegin keńes beriledi.

Sondaı-aq shalǵaı aımaq turǵyndary tegin medıatıvti jáne zańgerlik kómek ala alady. Olar kásibı mamandardyń qyzmetin paıdalanýǵa múmkindik aldy.

Bul turǵyda QR Prezıdentiniń janyndaǵy áıelder isteri jáne otbasy demografııalyq saıasat jónindegi ulttyq komıssııanyń ókilderi retinde zańger Janna Bekmuhanbetova men medıator Janar Moldabekova halyqqa qyzmet kórsetti.

Olardyń aıtýynsha, qyzylordalyq turǵyndar tarapynan alıment, saqtandyrý, nesıe alý, muragerlik máselege baılanysty saýaldar qoıylǵan. Oǵan qatysty tıisti jaýaptar berildi.

«Sondaı-aq, keıbir azamattar ózi turatyn eldi mekende medıtsınalyq qyzmet kórsetýge baılanysty jaǵdaıdyń jaqsarýyna baılanysty usynys-pikirin aıtty. Bizge túsken barlyq saýal men ótinish tıisti oryndarǵa jetkiziledi. Ol aldaǵy ýaqytta oń sheshimin tabady degen úmittemiz», - dedi mamandar bizben áńgimesinde.

Qyzylorda oblysynan keıin medpoıyz taǵy eki óńir - Túrkistan men Jambyl oblystaryna attandy.

Jobanyń sońy 2023 jylǵy 6 jeltoqsanda aıaqtalady. Sol ýaqytta medıtsınalyq poıyz 18 myń shaqyrymnan astam joldy artqa tastaıdy. Nátıjesinde eldiń eń shalǵaı stantsııalarynda turatyn azamattar joǵary bilikti medıtsınalyq, medıatıvtik jáne áleýmettik sala mamandarynyń qyzmetin paıdalana alady.

Áleýmettik joba medıtsınalyq kabınetteri joq aımaqtardy qamtıdy. ıAǵnı, bıyl shalǵaıdaǵy stantsııa turǵyndary taǵy da tegin tekserýden jáne emdelýden ótýge múmkindik aldy.

Medıtsınalyq poıyzda terapevt, stomatolog, oftalmolog, lor, hırýrg, ýrolog, mammolog, pedıatr jáne ózge de dárigerler halyqqa qyzmet kórsetti. Poıyz zamanaýı dıagnostıkalyq jáne emdik jabdyqtar, ýltradybystyq, flıýorografııalyq apparat, shaǵyn operatsııalyq bólme, zerthana, ınternetke symsyz qol jetkizýge arnalǵan baılanys quralymen jabdyqtalǵan.
«QTJ-Júk tasymaly» JShS Almaty-2 stantsııasynan 26 sáýirde bastalǵan jáne osy jyldyń 6 jeltoqsanyna deıin júretin «Salamatty Qazaqstan» medıtsınalyq poıyzynyń kestesin bekitti.
Medıtsınalyq poıyzdyń qazirgi qozǵalys kestesi shalǵaıdaǵy stantsııalarda medıtsınalyq pýnkttiń joqtyǵyn eskere otyryp jasaldy. Oǵan qosa azamattar men memlekettik organdardyń ótinishteri negizinde júzege asty.