Salalyq jýrnalısterdi oqytý jalǵasady - Aıda Balaeva

NUR-SULTAN. QazAqparat – Salalyq jýrnalısterdi oqytý jalǵasady. Bul týraly QR Aqparat jáne qoǵamdyq damý mınıstri Aıda Balaeva aıtty, dep habarlaıdy QazAqparat tilshisi.

«Bıyl bul jumystardy bastap kettik. Jýrnalısterdi oqytý, biliktilikterin arttyrý boıynsha naqty jospar bar. Sondyqtan bul jumys dástúrli ári júıeli túrde jalǵasady. Óıtkeni, BAQ-ty, kásibı jýrnalısterdi qoldaýǵa múddelimiz. Búginde túrli sala baǵytynda úsh top oqydy. Aldaǵy ýaqytta da jalǵasatyn jumystyń formaty – onlaın. Bul qatysýshylardy, onyń ishinde óńir jýrnalısterin keńinen tartýǵa múmkindik berip, olardyń damýyna septigin tıgizedi», - dedi mınıstr Ortalyq kommýnıkatsııalar qyzmetindegi baspasóz máslıhaty barysynda.

Onyń atap ótýinshe, qazirgi ýaqytta medıtsına, din, ІT-tehnologııa, ekologııa baǵyttaryndaǵy joǵary oqý oryndarynda jýrnalısterdi salalyq oqytý júzege asyryldy.

«Bul tizbe keńeıtile túsetin bolady. Josparymyzda qoǵamymyz úshin mańyzdy aýyl sharýashylyǵy, etnosaralyq qatynas máselelerinde joǵary oqý oryndarymen jumys isteý bar. Taǵy da qaıtalap aıtamyn, jumysty bastadyq ári ol birqalypty, júıeli túrde jalǵasa beredi», - dedi Aıda Balaeva.