Salalyq qurylymda eń úlken jalaqy ken óndirý ónerkásibiniń enshisinde
ASTANA. 16 sáýir. QazAqparat - 2013 jylǵy naýryzda bir qyzmetkerdiń ortasha aılyq ataýly jalaqysy 108 836 teńgeni qurady.
Ataýly jalaqy ındeksi 2012 jylǵy naýryzǵa 108,2, al naqty jalaqy ındeksi 101,3 paıyz boldy. Bul týraly QR Statıstıka agenttiginiń málimetterinde habarlandy.
Salalyq qurylymda eń úlken jalaqy ken óndirý ónerkásibi men karerlerdi qazýda - 221,1 myń teńge (ortasha respýblıkalyq deńgeıden 2 esege asady), kásibı, ǵylymı jáne tehnıkalyq qyzmette - 206,0 myń teńge (1,9 ese), sondaı-aq qarjy men saqtandyrý qyzmetinde 188,4 myń teńge kóleminde (1,7 ese) belgilendi. Eń tómengi jalaqy aýyl, orman jáne balyq sharýashylyǵy qyzmetkerlerinde (48,6 myń teńge), bul el boıynsha orta kórsetkishten 55,4 paıyzǵa tómen.
Óńirlik bóliniste eń joǵary jalaqy Mańǵystaý oblysynda belgilendi - 208,0 myń teńge, bul ortasha respýblıkalyq kórsetkishten 1,9 esege asady. Soltústik Qazaqstan oblysynda munyń shamasy 72,6 myń teńgeni qurady, osy kórsetkish el boıynsha ortasha deńgeıden 33,3 paıyzǵa tómen.
