Salafızmge qarsy ıdeologııany kúsheıtý kerek - M. Áshimbaev
ASTANA. QazAqparat - Salafızmge qarsy ıdeologııany kúsheıtý kerek. Búgin Parlament Májilisinde «Qazaqstan Respýblıkasynyń keıbir zańnamalyq aktilerine ekstremızm jáne terrorızm máseleleri boıynsha ózgerister men tolyqtyrýlar engizý týraly» zań jobasynyń tanystyrylymy barysynda depýta Máýlen Áshimbaev osylaı málim etti.
«Zań jobasynda ıdeologııalyq qarsy turý nemese salafızm ıdeologııasyna qarsy kúres máseleleri qamtylyp otyrǵan joq. Salafızm - bul ıdeologııa. Al ıdeologııaǵa tek ıdeologııamen ǵana qarsy tura alamyz. ıAǵnı, halyqqa túsindirý, memlekettiń osy baǵyttaǵy saıasaty, bizdiń hanafıttik mázhabymyz týraly keńinen túsindirý kerek. Men muny jalpylama aıtyp otyrmyn, óıtkeni, zań jobasynda ıdeologııalyq nemese basqa da qyzmetter týraly tolyq qamtylmaǵan», - dedi Máýlen Áshimbaev. Sonymen qatar, depýtat atalǵan másele jumys toptary aıasynda keńinen talqylaýǵa múmkindikter bolatynyn jetkizdi.
«Árıne, óte kúrdeli másele. Birdeńe saraptap, bir máselelerdi bóle-jara alyp aıtý, norma engizý ońaı emes. Degenmen, halyqaralyq tájirıbelerdi zerdeleı otyryp, jumys isteýge bolady dep esepteımin», - dedi M. Áshimbaev.
Talqylaý barysynda Qazaqstan musylmandary basqarmasy tóraǵasynyń orynbasary, Áziret Sultan meshitiniń bas ımamy Serikbaı qajy Oraz meshitten basqa oryndarda ýaǵyz júrgizý máselesine túbegeıli tyıym salý kerektigin alǵa tartty.
