«Sálafııa» dinı aǵymy ekstremıstik dep tanyldy

ASTANA. QazAqparat - Tájikstan Joǵarǵy soty «Sálafııa» dinı aǵymyn ekstremıstik dep tanydy. Bul jaıynda respýblıkanyń bas prokýratýrasynyń baspasóz qyzmetinen habarlady, delingen «Nur Astana» ortalyq meshitiniń resmı saıtynda.

Osyǵan uqsas sheshimdi bul eldiń Joǵarǵy soty 2014 jyldyń 8 jeltoqsanynda qabyldaǵan edi. Onda Tájikstan elinde atalmysh uıymnyń ýaǵyz-nasıhatyn júrgizýge, ádebıetteri men ózge de materıaldaryn kirgizýge, taratýǵa, sondaı-aq ınternet resýrstarynyń el aýmaǵynda jumys isteýine tyıym salyndy.

Endigi ýaqytta osy aǵym músheleri Tájikstannyń Qylmystyq Kodeksiniń 307-baby «ekstremıstik baǵytqa ashyq shaqyrý» boıynsha aıyptalatyn bolady.