Salvadordyń burynǵy prezıdenti 56 jasynda qaıtys boldy
ASTANA. QazAqparat - Aqshaǵa qatysty astyrtyn áreketter jasaýda kúdikti tanylǵan, komada jatqan Salvador eliniń burynǵy prezıdenti Fransısko Flores senbi kúni keshke 56 jasynda qaıtys boldy, dep habarlaıdy Frans Press agenttiginen.
Flores Salvadordy 1999-2004 jyldar aralyǵynda basqarǵan. Quqyq qorǵaý organdarynyń málimetterinshe, ol Taıvan úkimetiniń Salvadorǵa 2003-2004 jyldary bergen 15,3 mıllıon dollarǵa chektardy urlaǵan. Bul aqsha AQSh jáne Kosta-Rıka banktary arqyly ótip, odan keıin Bagam araldaryna aýystyrylǵan. Florestiń ózi bul aıyptardy joqqa shyǵarýda.
Flores uzaq ýaqyt boıy ádil sottan jasyrynyp júrdi. Aqyry Salvador oǵan Interpol jelisi boıynsha izdeý jarııalaǵan. Odan keıin ol suraýǵa óz erkimen kelip, sonyń qorytyndylary boıynsha sýdıa Floresti úı qamaýyna alý sheshimin qabyldady. 2014 jyldyń qyrkúıeginde bul sheshim Joǵarǵy sottyń túrmede ustaý sheshimimen aýystyrylǵan, alaıda keıin kúdikti qaıtadan úıqamaqqa alyndy, dep jazady RIA Novostı.
