Salvadorda «Ida» daýylynan qaza tapqandardyń sany 100 adamnan asty
ASTANA. Qarashanyń 9-y. QazAqparat - Salvadorda «Ida» daýylynyń saldarynan oryn alǵan sý tasqyndary men laı kóshkinderiniń qurbandarynyń sany jeksenbi kúni 104 adamǵa jetti.
Taǵy 66 adam iz-túzsiz joǵalǵandar sanatynda, dep habarlaıdy «RIA «Novostı» agenttigi Salvadordyń Ulttyq azamattyq polıtsııasyna silteme jasap.
Salvador úkimeti bes departamentte tótenshe jaǵdaı jarııalap otyr. Memlekettik radıonyń habarlaýynsha, Zańnamalyq assambleıa jaqyn saǵattarda búkil el boıynsha tótenshe jaǵdaı rejımin engizip, aza tutý kúnin belgilemek.
Ekinshi sanattaǵy «Ida» daýyly qazirgi ýaqytta Meksıka shyǵanaǵy boıynsha soltústik-batysqa qaraı saǵatyna 16 shaqyrym jyldamdyqpen jyljyp barady. Buǵan deıin daýyl Nıkaragýany ábirjitip, onda 40 myńnan astam adam bapanasyz qalǵan bolatyn.
