Salvadorda «Ida» daýyly qurbandarynyń sany 152 adamǵa jetti
ASTANA. Qarashanyń 11-i. QazAqparat - Salvadorda «Ida» daýylynyń saldarynan bolǵan sý tasqyny men laı kóshkininen eń kem degende 152 adam qaza tapty, taǵy 60-tan astam adam iz-túzsiz joǵaldy.
Barlyǵy 13 myńǵa jýyq adam baspanasyz qaldy, dep habarlady sársenbi kúni latynamerıkandyq buqaralyq aqparat quraldary eldiń qutqarý qyzmetterine silteme jasap.
Buǵan deıin 130 qurban bolǵandar týraly habarlanǵan bolatyn. Oqıǵa oryndarynda izdeý-qutqarý sharalary áli jalǵasýda, sondyqtan da qutqarýshylar qaza tapqandar sanynyń áli de kóbeıýi yqtımal ekenin joqqa shyǵarmaıdy.
Tabıǵattyń tosyn minezi 24 kópirdi shaıyp ketti, oǵan qosa 2 myńdaı úıdi jartylaı nemese tolyq zaqymdady. Salvador úkimeti búkil el aýmaǵynda tótenshe jaǵdaı rejımin engizdi jáne apat qurbandaryn eske alý maqsatynda úshkúndik aza tutý kúnin jarııalady.
