Salvador turǵyny basyna qadalǵan pyshaqtyń júzimen 18 jyl ómir súrdi
ASTANA. 22 naýryz. QazAqparat - Salvadorda jeke gospıtaldardyń birindegi dárigerler beısenbi kúni adamnyń basynan pyshaqtyń 9 santımetrli júzin alyp tastady.
Naýqas bas súıegindegi osy zatpen 18 jylǵa jýyq ómir súrgen eken.
Reseı jańalyqtar agenttiginiń jazýynsha, 1995 jyly atalǵan azamat etikshi bolyp jumys istep júrgeninde oǵan toksıkoman-qylmyskerler shabýyl jasaǵan, ıaǵnı toksıkomandar etikshiniń paıdalanatyn jelimin tartyp almaqqa árekettendi. Tóbeles kezinde etikshi basynan pyshaq jaraqytyn alady. Alaıda, 2007 jylǵa deıin pyshaq júziniń bir bóligi basynda qalyp qoıǵanyn bilmegen eken.
Bastan pyshaqty alý úshin jasalǵan ota 7 saǵatqa jalǵasty. Qazirgi kezde ol esin jıyp, emin-erkin sóılesýge qaýqarly.
Ota jasaǵan dárigerler etikshige 1995 jyly kómek kórsetken áriptesterin syn tezine aldy. Óıtkeni, sol kezde dárigerler onyń basynda pyshyqtyń júzi qalyp qoıǵanyn eskertpegen. 2007 jyly atalǵan azamattyń basy qatty aýyra bergen soń, ol qosymsha tekserýden ótken. Nátıjesinde bas súıeginde bógde zat bar ekendigi anyqtaldy.
