Salvador prezıdenti saılaý kezinde zań buzǵany úshin aıyppul tóleıdi
ASTANA. QazAqparat - Salvadordyń Joǵary saılaý trıbýnaly eldiń qazirgi prezıdenti Maýrısıo Fýneske bıylǵy aqpan aıynyń basynda ótken prezıdent saılaýy kezinde jasaǵan zańbuzýshylyqtary úshin aıyppul saldy. Bul týraly RIA Novostı jazady.
Eldiń BAQ-tary habarlaǵandaı, trıbýnal saılaý kezinde Salvadordyń áleýmettik máselelerin sheshýdegi qol jetkizgen jetistikteri týraly jazylǵan maqalalardyń baspasóz betterinde prezıdenttiń atynan shyǵýyn zańbuzýshylyq dep tapqan.
Zań boıynsha saılaýǵa 30 kún qalǵan sátten bastap BAQ arqyly eldiń áleýmettik-ekonomıkalyq damýy jaıyndaǵy materıaldar prezıdenttiń, qala merleriniń jáne basqa da memlekettik qyzmetkerlerdiń atynan taratylmaýy tıis.
Endi M.Fýnes 571 AQSh dollary kóleminde aıyppul tóleýge mindetti.
Aıta ketý kerek, 2 aqpanda ótken saılaýda Salvadordyń jańa prezıdenti anyqtalmady. Endi 9 naýryzda ótetin ekinshi týrda bılik partııasynan Sanches Seren men ońshyldar partııasynan Norman Kıhano bılikke talasady.
