Sal áıel tsıfrlyq avatardyń arqasynda 18 jyldan keıin sóıledi

ELЬ-SERRITO. QazAqparat – 2005 jyly 30 jastaǵy Enn Djonson ınsýltten keıin sal bolyp qalǵan. Áıel sóıleı almaıdy. Ol tek «oh», «ah» degen dybystar shyǵaratyn, biraq onyń mıy áli de belgi berip turǵan. Enn sal aýrýyna shaldyqqan adamdardyń mıynyń neırondyq belsendiligin mátinge nemese dybysqa aýystyra alatyn eksperımenttik tehnologııanyń arqasynda tsıfrlyq avatar arqyly ınsýlt alǵannan keıin 18 jyl ótkende sóıledi, dep habarlaıdy QazAqparat NBC News agenttigine silteme jasap.

San-Frantsıskodaǵy Kalıfornııa ýnıversıteti men Berklıdegi Kalıfornııa ýnıversıtetiniń zertteýshileri ázirlegen tehnologııa Ennniń mıynyń sóıleýi men tilin qalyptastyrýǵa jaýap beretin betki qabatyna ornatylǵan ımplantty qoldanýǵa negizdelgen.

Ótken jyly oǵan 253 elektrodtan turatyn ımplantat ornatyldy. Oǵan mı ádette júzdegen myń neırondardan alatyn jáne jaq, erin jáne til jáne bet bulshyqetterine jiberetin sıgnaldar beriledi.

Operatsııa kezinde dárigerler basyna kabelge qosylatyn port ornatty, ol arqyly mı sıgnaldary kompıýterdiń derekter bankine jiberiledi.

Kompıýterler mı sıgnaldaryn tsıfrlyq anımatsııa arqyly aıtylatyn sóılemderge aýdarý úshin jasandy ıntellekt algorıtmderin qoldanady.

Sondyqtan Enn Djonson «Sizdi qaıta kórgenime qýanyshtymyn» degen sózdi aıtýǵa tyrysqanda, tsıfrlyq avatar bul sózderdi daýystap aıtady.

Júıe Ennge salystyrmaly túrde baı sanalatyn sózdik qordy paıdalana otyryp sóılesýge múmkindik berdi.

Zertteýshiler avatardy daýyspen sóıleýge úıretý úshin Ennnyń úılený toıyndaǵy sóıleý jazbasyn paıdalandy.

Eksperımenttiń nátıjeleri sársenbide Nature jýrnalynda jaryq kórdi.

Doktor Edvard Chan (Dr. Edward Chang) Enn Djonson operatsııasyn júrgizgen zertteý avtory, onyń avatar arqyly qalaı baılanysyp jatqanyn kórgende «qatty qobaljyǵanyn» aıtty.

Nátıjesinde avatar Ennniń sózderin mınýtyna 80 sózben qaıtalaı aldy.

Sóıleýdiń tabıǵı jyldamdyǵy mınýtyna 150-den 200 sózge deıin jetedi. 1024 sózden turatyn Enn sózdik qoryn paıdalanǵan kezde sóıleýdiń ortasha dáldigi shamamen 75%-dy qurady.