Sal, aýtızm jáne basqa da kemistigi bar balalardy ońaltý ortalyǵy ashyldy
TALDYQORǴAN. QazAqparat - Taldyqorǵanda múmkindigi shekteýli balalarǵa arnalǵan ońaltý ortalyǵy ashyldy. Qazaq medıtsınalyq qoǵamynyń kúndizgi ortalyǵy 40 balaǵa arnalyp otyr, dep habarlaıdy QazAqparat tilshisi.
Bul jerde sal, aýtızm jáne basqa da kemistigi bar baldyrǵandar kúndizgi em-domyn qabyldap, ýaqytyn tıimdi ótkizetin bolady. Sondaı-aq bóbekterge logoped syndy basqa da óte qajet degen mamandardyń qyzmeti kórsetiledi.
«Balalardy áleýmettik-mádenı, sport sharalarǵa qatystyramyz.Sondaı-aq psıhologııalyq jaǵynan kómek kórsetiledi. Munda áleýmettik zańdylyqtardy qadaǵalaıtyn arnaýly zańger bar. Ári ol zań júzinde keńes berip qoımaı, jalpy qujat jaǵynan da kómektesetin bolady», - dedi qazaq medıtsınalyq ortalyǵy qoǵamdyq birlestiginiń jetekshisi Maqsat Ábdiqadyruly.
Balalardyń ata-analary da túrli psıhologııalyq qoldaý taýyp, quqyqtyq máselelerin sheshe alady. Qoǵamdyq uıym negizinde ashylǵan medıtsınalyq mekemege 25 maman jumysqa alyndy.
