Sal aýrýyna shaldyqqan balany býyndyryp óltirgen kútýshige úkim shyqty
TALDYQORǴAN. QazAqparat - Sal aýrýyna shaldyqqan balany tunshyqtyryp óltirgen tárbıeshi 15 jylǵa sottaldy, dep habarlaıdy QazAqparat tilshisi Almaty oblystyq sotyna silteme jasap.
«Іsti egjeı-tegjeıli qaraǵan sýdıa azamatshany Qazaqstan Respýblıkasy Qylmystyq kodeksiniń 99-baby, 3 jáne 14-tarmaqtarynyń 2-bóligi boıynsha kináli dep taýyp, 15 jylǵa bas bostandyǵynan aıyrý týraly sheshim shyǵardy», - delingen vedomstvo taratqan habarlamada.
Eske sala keteıik, atalǵan qylmys aǵymdaǵy jyldyń naýryz aıynda Talǵar aýdanyndaǵy balalarǵa arnalǵan mamandandyrylǵan mekemelerdiń birinde bolǵan. Tergeý anyqtaǵandaı, tárbıeshiniń kómekshisi bolyp jumys istegen áıel sal aýrýyna shaldyqqan naýqas balany tunshyqtyryp óltirgen.
