Sal aýrýyna shaldyqqan balalar arnaıy aýrýhanada tegin emdele alady

ASTANA. QazAqparat - Sal aýrýyna shaldyqqan balalar eshbir kvotasyz ári emhana joldamasyn almaı-aq arnaıy aýrýhanada emdele alady, dep jazady astanatv.kz.

Astanada «Qasıetti jol» qoǵamdyq qory «Samuryq Qazyna» Ulttyq ál-aýqat qorynyń qoldaýymen ońaltý ortalyǵyn ashty. Búginde respýblıka boıynsha bul baǵytta 5 arnaıy ortalyq jumys istep jatyr. Astanada mundaı mekeme ázirge bireý. Medıtsınalyq keshenniń jylyna 250-den astam syrqat balany qabyldaýǵa múmkindigi bar. Árbir bala 21 kúndik 10 ońaltý kýrsynan ótedi. Emniń alǵashqy nátıjeleri jaman emes. Eń bastysy, barlyq qyzmet tegin. Jobanyń jalpy quny 168 mıllıon teńgege baǵalandy. Bolashaqta elimizde dál osyndaı taǵy 8 ortalyq ashý josparda bar.