Saqyrlaǵan sary aıazda almatylyq polıtseıler muqtajdarǵa kómek berýde

ALMATY. QazAqparat - Almaty polıtsııasy saqyrlaǵan aıazda jolda qalǵan, kómekke muqtajdarǵa qol ushyn sozyp jatyr, dep habarlaıdy QazAqparat tilshisi.

Aıta ketý kerek, osy aptada elimizdiń jeti oblysy qatty aıazben betpe-bet keldi. Aýa raıynyń qolaısyzdyǵy avtokólikterdi, áýe reısterin, kommýnaldyq-sharýashylyq qyzmetteriniń jumysyn toqtatyp tastady. 
Aptaǵa sozylǵan aıaz oqýshylarǵa kezekten tys demalys berdi. 22 qańtardan bastap Aqmola, Pavlodar (-40 gradýsqa jetken), Soltústik Qazaqstan (-30), Qostanaı (-27), Almaty (-30) oblystarynda, Almaty (-28) qalasynda sabaq toqtatyldy. Bet qaratpaıtyn úskirik Qaraǵandy men Aqtóbe oblystarynyń da oqýshylaryn da sabaqtan «bosatty».
Qalalyq ІІD baspasóz qyzmetiniń habarlaýynsha, kúndelikti qaladaǵy qoǵamdyq qaýipsizdikti saqtaýǵa 2 myńǵa jýyq polıtsııa qyzmetkeri shyǵady.
Ásirese tártip saqshylary úskirik aıazda qıyn jaǵdaıda qalǵan azamattarǵa qol ushyn berip, kópshiliktiń alǵysyn alyp jatyr.
Máselen, ákimshilik ýchaskede qyzmetin ótep júrgen jol-patrýl polıtsııasynyń ekıpajy úskirik aıazdan otalmaı qalǵan kólikti otaldyrýǵa járdem berdi.

Pýblıkatsııa ot @kris_p_almaty official 🇰🇿🚔🔝 (@kris_p_almaty) ıAnv 25, 2018 at 3:49 PST

Sonymen qatar, búgin tańǵy 9:00 shamasynda qyzmettik kóligimen ótip bara jatqan polıtsııa qyzmetkeri Rysqulov kóshesiniń boıynda turyp qalǵan trolleıbýsty baıqaǵan.
Qoǵamdyq kólik joldy jaýyp, keptelis týdyrǵandyqtan, polıtsııa qyzmetkeri tehnıkalyq kómek kelgenshe trolleıbýsty jol shetine ıterip shyǵaryp berdi.
Sondaı-aq, «Býran-087» ekıpajy polkiniń polıtseıleri betonaralastyrǵysh jabdyqty júk kóligine tıeýge kómektesken.

Pýblıkatsııa ot |Almaty DTP| (@almaty_dtp) ıAnv 20, 2018 at 5:43 PST

Polıtsııa qyzmetkerleri qolyna kúrek alyp kóktaıǵaqty boldyrmaý maqsatynda kommýnaldyq qyzmetshilerge qum sebýge qolǵabys jasady. 

Pýblıkatsııa ot @kris_p_almaty official 🇰🇿🚔🔝 (@kris_p_almaty) ıAnv 16, 2018 at 8:16 PST