«Saqtandyrýshylar sharýany emes, ózderin «saqtandyryp» álek» - respýblıkalyq basylymdarǵa sholý
***
Keshe Aqordada Qazaqstan Respýblıkasynyń Prezıdenti Nursultan Nazarbaev Qazaqstanǵa resmı saparmen kelgen Reseı Federatsııasynyń Prezıdenti Vladımır Pýtınmen kezdesti. Joǵary deńgeıde ótken kelissózder barysynda taraptar eki eldiń yntymaqtastyǵyn damytýǵa baǵyttalǵan birqatar máselelerdi talqylady. Osy jaıt arqaý bolǵan maqala «Egemen Qazaqstan» gazetiniń búgingi nómirinde «Qazaqstan-Reseı: Áriptetiktiń kókjıegin keńeıtken kezdesý» degen taqyryppen berilgen. Basylymnyń atap ótýinshe, kezdesýdegi kelissózderde memleket basshylary otyn-energetıka, zymyran-ǵarysh, taǵy basqa da salalardaǵy yntymaqtastyqty tereńdetýge qatysty keń aýqymdaǵy máselelerge basa nazar aýdardy. Prezıdentter Baıqońyr ǵarysh aılaǵyn birlese paıdalaný jáne ǵarysh salasyndaǵy yntymaqtastyqtyń kóp jylǵy tájirıbesine qanaǵattanýshylyq bildirdi. Sondaı-aq, ǵarysh keńistigin beıbit maqsatta zertteý jumystaryn birlese júrgizýdi ári qaraı jalǵastyrýǵa múddelilik tanytty.
Astana qalasynda «Samuryq-Qazyna» AQ men Qazaqstan halqy Assambleıasynyń ókilderi «Halyqtyq IPO» baǵdarlamasyn júzege asyrý barysyn talqy tarazysyna saldy. Іs-sharaǵa Assambleıa Tóraǵasynyń orynbasary - Qazaqstan halqy Assambleıasy Hatshylyǵynyń meńgerýshisi Eraly Toǵjanov, «Samuryq-Qazyna» ulttyq ál-aýqat qory» AQ basqarmasy tóraǵasynyń orynbasary Qýandyq Bıshimbaev, «QazTransOıl» AQ dırektory Qaıyrgeldi Qabyldın, Ekonomıkalyq damý jáne saýda mınıstrliginiń Memlekettik aktıvterdi basqarý departamentiniń dırektory Dúısen Ádilhanov, sondaı-aq basqa da múddeli memlekettik kompanııalar men qarjy ınstıtýttarynyń ókilderi, Parlament depýtattary qatysty. Bul jaıynda tolyǵyraq «Egemen Qazaqstan» gazetiniń juma kúngi sanyndaǵy «Halyqtyq ІRO» degenimiz ne?» degen taqyryptaǵy maqalada keńinen baıanalǵan.
***
Egistik dıqanshylary úshin dál qazirgi tańdaǵy eń basty másele - aýa raıy jáne soǵan baılanysty egis túsimi, tehnıkalyq jaǵynan daıarlyq. Biraq ta jerge mańdaı terin tógip, naýqandy oıdaǵydaı aıaqtap, kóńili shýaqty bolýy tıis dıqanshylarymyzdan maza ketip tur. Óıtkeni elimizdiń saqtandyrý naryǵy jerden ónim alýshylarǵa qyzmet kórsetýge qulyqty emes bolyp shyqty. Osy másele jaıly egjeı-tegjeıli «Alash aınasy» gazetiniń búgingi sanyndaǵy «Saqtandyrýshalar sharýany emes, ózderin «saqtandyryp» álek» atty maqalada aıtylǵan.
«Biz Eýropa fýtbol federatsııasynyń quramyna qosylý arqyly armanymyzdy 50 jylǵa shegerdik!». Eldi eleń etkizerlik mundaı málimdemeni qazaq sportynyń janashyry, jiligin shaǵyp, maıyn ishetin maman deýge ábden bolatyn azamat, QR eńbek sińirgen jattyqtyrýshysy, Respýblıkalyq «Sport» gazetiniń bas redaktory Nesip Júnisbaıuly bildirip otyr. Qazaq fýtboly, onyń Táýelsizdikten keıingi qadamdaryndaǵy jiberip alǵan kemshilikter men utymdy tustary jaıly qyzyqty suhbat «Alash aınasy» gazetinde jaryq kórgen.
***
«Aıqyn» gazetiniń búgingi sanynda QR Kólik jine kommýnıkatsııa mınıstrligi Kóliktik baqylaý komıtetiniń tóraǵasy Baqyt Ábishevpen aradaǵy suhbat «Tehnıkalyq tekserispen aınalysatyn kásipkerlege talapty kúsheıtip otyrmyz» degen taqyryppen berilgen. Basylym tilshisiniń barlyq saýalyna tuşymdy jaýap bergen sheneýnik: «Sońǵy kezde avtokólikterdiń tehnıkalyq baqylaýdan ótkeni týraly jalǵan talon jasaıtyn jáne ony kólik ıerine arzan baǵaǵa satatyn pysyqaılar kóbeıip ketti. Olardyń ábden ákkilenip alǵany sonshalyq, jalǵan talon men naqty talondy ajyratý kúnnen-kúnge qıyndap keledi. Desek te, naqty talon men jalǵan talondy ajyratýdyń 2 joly bar. Birinshisi, talondy jyrtyp kórý kerek. Talon jyrtylyp qalsa - jalǵan, jyrtylmasa - zańdy. Sońǵysy erekshe qaǵazdan jasalady. Sondyqtan jyrtylmaıdy», - deıdi.
***
«Ekspress-K» gazetinde jaryq kórgen «V vashı ıgly ne ıgraem» degen taqyryptaǵy maqalada Aqmola oblysynda 134 ata-ananyń óz balalaryna egpe saldyrýdan bas tartyp otyrǵandyǵy jazylǵan. Salaýatty ómir saltyn qalyptastyrý óńirlik ortalyǵy osy oqıǵanyń mán-jaıny anyqtaý úshin saýalnama júrgizgen. Nátıjesinde ekpe júrgizýden bas tartqandardyń basym bóligi túrli dinı sektalardyń shyrmaýyna shatylǵan adamdar bolyp shyǵypty. Saýalnama nátıjesi kórsetkendeı balasyna ekpe júrgizýden hrıstıan shirkeýiniń baptısteri, Iegova kýágerleri, Ábý Hanıfa qozǵalysynyń músheleri, ýaqapshylar jáne tipti býddıster bas tartady eken.
